بالی ووڈ اداکار عمران ہاشمی آخری بار فلم ’حق‘ میں یامی گوتم کے ساتھ نظر آئے تھے۔ فلم کو شائقین اور ناقدین کی جانب سے ملے جلے ردعمل سامنے آئے۔ اب عمران ایک بار پھر اپنے جانے پہچانے اندازمیں واپس آ رہے ہیں۔ وہ کرائم تھرلر ویب سیریز ’تسکری: دی اسمگلرز ویب‘ کے ساتھ سامعین کو تفریح کے دنیا میں سیر کرانے کے لیے تیار ہیں۔

حال ہی میںفلم میکرز نے تسکری:دی اسمگلر ویب کا ٹیزر جاری کیا اور اس کی اسٹریمنگ کی تاریخ کا بھی انکشاف کیا۔ اس سیریز کے ہدایت کار راگھو جیارتھ ہیں اور اسے نیرج پانڈے نے پروڈیوس کیا ہے۔ ٹیزر کو شیئر کرتے ہوئے،نیٹ فلیکس نے لکھا’اب ہر چیز کو اسکین کیا جائے گا!‘ جو سیریز کی شدید اور سسپنس بھری کہانی کی ایک جھلک پیش کرتا ہے۔

سیریز میں، عمران ہاشمی سپرنٹنڈنٹ ارجن مینا کے کردار میں نظر آئیں گے، جنہیں بین الاقوامی ہوائی اڈوں کے ذریعے کام کرنے والے اسمگلنگ کے ایک بڑے نیٹ ورک کو ختم کرنے کا کام سونپا گیا ہے۔ اس ویب سیریز میں عمران کے ساتھ شرد کیلکر، امروتا خانولکر، نندیش سنگھ سندھو، انوراگ سنہا اور زویا افروز بھی اہم کرداروں میں نظر آئیں گے۔ تسکری: دی اسمگلر ویب14 جنوری سے نیٹ فلکس پر نشر ہونے کے لیے تیار ہے۔ عمران ہاشمی کے مداحوں کے لیے یہ سیریز یقینی ہے۔

ہندوستھان سماچار

ہندوستان سماچار / Mohammad Khan