نئی دہلی، 9 نومبر (ہ س)۔ گھریلو اسٹاک مارکیٹ پیر سے جمعہ تک تجارت کے بعد مسلسل دوسرے ہفتے کمزوری کے ساتھ بند ہوا۔ خیال کیا جاتا ہے کہ غیر ملکی ادارہ جاتی سرمایہ کاروں (ایف آئی آئی) کی مسلسل فروخت، امریکہ کے ساتھ جاری تجارتی مذاکرات کے ارد گرد غیر یقینی صورتحال، اور کارپوریٹ سیکٹر کے ملے جلے نتائج نے گزشتہ ہفتے کی تجارت میں مسلسل غیر یقینی صورتحال میں اہم کردار ادا کیا۔ اس غیر یقینی صورتحال نے مارکیٹ کو ہفتے کا اختتام منفی نوٹ پر کرنے پر مجبور کیا۔
جمعہ کو تجارتی ہفتہ ختم ہونے کے بعد بی ایس ای لارج کیپ انڈیکس 1 فیصد کی کمی کے ساتھ بند ہوا۔ ہنڈالکو انڈسٹریز، اڈانی گرین انرجی، گراسم انڈسٹریز، انڈین ہوٹلز کمپنی، پاور گرڈ کارپوریشن آف انڈیا، پاور فائنانس کارپوریشن اور مینکائنڈ فارما کے حصص اس انڈیکس میں سب سے زیادہ نقصان اٹھانے والوں کی فہرست میں شامل ہیں۔ دوسری جانب ووڈافون آئیڈیا، انڈس ٹاورز، مہندرا اینڈ مہندرا، شری رام فائنانس، برٹانیہ انڈسٹریز اور ڈابر انڈیا کے حصص ہفتہ وار بنیادوں پر 5 سے 10 فیصد اضافے کے ساتھ سب سے زیادہ فائدہ اٹھانے والوں کی فہرست میں شامل ہیں۔
بی ایس ای مڈ کیپ انڈیکس میں اس ہفتے نسبتاً کم گراوٹ رہی۔
مڈ کیپ انڈیکس ہفتہ وار بنیادوں پر 0.60 فیصد گر کر بند ہوا۔ہٹاچی انرجی انڈیا، فونکس ملس،پی آئی انڈسٹریز،3 ایم انڈیا،آسٹل اورایل اینڈ ٹی فائنانس جو اس انڈیکس کا حصہ ہیں، ہفتہ وار 5 سے 10 فیصد کے اضافے کے ساتھ سرفہرست تھے۔ دوسری طرف، دہلیویری، جے کے سیمنٹ، کیئنس ٹیکنالوجی انڈیا، بلیو اسٹار، اولا الیکٹرک موبلٹی اور کلین سائنس اینڈ ٹیکنالوجی سب سے زیادہ خسارے میں رہے۔ گزشتہ ہفتے کی ٹریڈنگ میں، بی ایس ای اسمال کیپ انڈیکس میں ہفتہ وار سب سے زیادہ 1.50 فیصد کمی ریکارڈ کی گئی۔
پیر سے جمعہ کے تجارتی سیشن میں، اتکرش اسمال فائنانس بینک، فشر میڈیکل وینچرز،ورتھ انویسٹمنٹ اینڈ ٹریڈنگ ، اسٹیلین انڈیا فلورو کیمیکلز، بلس، جی وی ایس فارما، وی ایل-ای گورننس اینڈ آئی ٹی سلوشنز، ریلائنس انفراسٹرکچر، پنجاب کیمیکل اینڈ کراپ پروٹیکشن، اور ریلائنس پاور کے ساتھ ہفتہ میں 15سے 46فیصد تک کے نقصانات کے ساتھ سب سے زیادہ خسارے میں رہے۔ دوسری طرف، تھنگامیل جیولری، ایل جی بالاکرشنن اینڈ برادرز، سی سی ایل پروڈکٹس انڈیا، انٹر آرک بلڈنگ سلوشنز، بی ایل ایس ای سروسز، اے ایس ایم ٹیکنالوجیز، آئیرس بزنس سروسز، راگھو پروڈکٹیویٹی اینہنسرز، آرکڈ فارما، ڈریجنگ کارپوریشن انڈیا، پرائیو اسپیشلٹی کیمیکلز، اور ریڈنگٹن، 1 فیصد سے لے کر 56 فیصد تک کے منافع کے ساتھ تھے۔
گزشتہ ہفتے کی ٹریڈنگ کے دوران سیکٹرل کارکردگی کے حوالے سے، نفٹی میڈیا انڈیکس 3.20 فیصد کی سب سے زیادہ ہفتہ وار کمی کے ساتھ بند ہوا۔ اسی طرح نفٹی ڈیفنس انڈیکس 2 فیصد کی ہفتہ وار کمی کے ساتھ بند ہوا۔ مزید برآں، نفٹی میٹل انڈیکس میں ہفتہ وار بنیادوں پر 1.70 فیصد کی کمی واقع ہوئی، جبکہ نفٹی آئی ٹی انڈیکس کو ہفتہ وار 1.60 فیصد کی کمی کا سامنا کرنا پڑا۔ دوسری طرف، نفٹی پی ایس یو بینک انڈیکس ہفتہ وار بنیادوں پر 2 فیصد بڑھنے میں کامیاب رہا۔
---------------
ہندوستان سماچار / عبدالسلام صدیقی
