امراوتی/پٹنہ، 9 نومبر (ہ س)۔

آندھرا پردیش کے وزیر اور چندرا بابو نائیڈو کے بیٹے نارا لوکیش نے آج بہار اسمبلی انتخابات میں این ڈی اے اتحاد کے لیے حمایت مانگی۔ لوکیش نے پٹنہ میں پریس کانفرنس کی اور این ڈی اے کی کامیابیوں اور مستقبل کی پالیسیوں کے بارے میں بات کی۔

پریس کانفرنس میں وزیر لوکیش نے کہا، بہار میں ڈبل انجن والی حکومت کی وجہ سے ترقیاتی کام تیزی سے آگے بڑھ رہے ہیں۔ نتیش کمار کی حکومت سے پہلے بہار میں جنگل راج تھا، فی الحال ترقیاتی کام تیزی سے ہو رہا ہے۔ میں نے پٹنہ میں صنعت کاروں سے بھی بات کی ہے۔ انہوں نے یہاں کے ترقیاتی کاموں اور حکومتی پالیسیوں سے اطمینان کا اظہار کیا ۔ لوکیش نے کہا کہ مرکزی بجٹ میں بہار کو سب سے زیادہ فنڈنگ ملی ہے۔ بہار کے بعد آندھرا پردیش نے بجٹ میں سب سے زیادہ فنڈنگ حاصل کی۔ اس کی وجہ یہ ہے کہ دونوں ریاستوں میں این ڈی اے اتحاد اقتدار میں ہے۔ صنعتوں کے ساتھ ساتھ تعلیم، روزگار کے مواقع بھی بڑھے ہیں۔

نارا لوکیش نے کہا کہ جب ترقیاتی کام چل رہے ہیں تو حکومت بدلنا مناسب نہیں ہے۔ لوکیش نے کہا، اگر حکومت بدلے گی تو نقصان پہنچے گا۔ پہلے موقع کے نام پر آندھرا پردیش میں ایک پارٹی اقتدار میں آئی، اس کے بعد تمام صنعتیں بھاگ گئیں۔ آندھرا پردیش میں جو کچھ ہوا اسے ذہن میں رکھتے ہوئے بہار، خاص طور پر نوجوانوں کو بیدار ہونا چاہیے۔ ترقی پذیر ہندوستان کے لیے بہار کی ترقی ضروری ہے۔ یہاں کے نوجوانوں اور ووٹروں کو ایک بار پھر این ڈی اے کو منتخب کرنا چاہیے۔

ہندوستھان سماچار

ہندوستان سماچار / عطاءاللہ