نئی دہلی، 4 نومبر (ہ س)۔ گھریلوصرافہ بازاروں میں آج چاندی کی قیمتوں میں اضافہ دیکھا جا رہا ہے۔ اس چمکدار دھات کی قیمت 2200 روپے فی کلو گرام تک بڑھ گئی ہے۔ اس اضافے کی وجہ سے، ملک بھر کی مختلف صرافہ بازاروں میں چاندی 1,54,100 روپے فی کلو گرام سے 1,68,100 روپے فی کلوگرام تک کی قیمتوں پر فروخت ہو رہی ہے۔ چنئی اور حیدرآباد میں چاندی کی بلند ترین قیمتیں برقرار ہیں۔

دہلی میں چاندی کی قیمت آج 1,54,100 روپے فی کلوگرام تک پہنچ گئی۔ اسی طرح ممبئی، احمد آباد، کولکاتا، جے پور، سورت اور پونے میں چاندی کی قیمت 1,54,200 روپے فی کلو گرام رہی۔ چاندی بنگلورو میں 1,55,100 روپے فی کلوگرام اور پٹنہ اور بھونیشور میں 1,54,400 روپے فی کلوگرام پر کاروبار کر رہی تھی۔

ملک میں چاندی کی سب سے زیادہ قیمتیں چنئی اور حیدرآباد میں اب بھی ہے، جہاں چمکدار دھات 168,100 روپے ہے۔ گزشتہ 20 دنوں میں چنئی اور حیدرآباد میں چاندی کی قیمت میں تقریباً 40,000 روپے کی کمی ہوئی ہے۔ 15 اکتوبر کو، ان دونوں شہروں میں چاندی 207,700 روپے فی کلوگرام پر کاروبارکر رہی تھی، لیکن اب اس کی قیمت 39,600 روپے فی کلو گرام تک گر گئی ہے۔

بین الاقوامی مارکیٹ میں چاندی کی حاضر قیمت آج اپنی بلند ترین سطح سے تقریباً 0.22 فیصد کم ہوکر 47.54 ڈالر فی اونس ہوگئی ہے۔ بین الاقوامی مارکیٹ میں گراوٹ کا اثر گھریلو صرافہ بازار میں چاندی کی قیمت میں کمی کی صورت میں بھی دیکھا گیا ہے۔ دوسری جانب گھریلو صرافہ بازار میں شادیوں کا سیزن شروع ہونے کے باعث چاندی کی مانگ میں اضافہ ہوا ہے، جس کی وجہ سے بین الاقوامی بازاروں ں میں چاندی کی قیمت میں کمی کے باوجود اس ہفتے گھریلو مارکیٹ میں چاندی کی قیمت میں اضافے کا رجحان دیکھنے میں آیا ہے۔

ہندوستھان سماچار

ہندوستان سماچار / محمد شہزاد