لیما، 4 نومبر (ہ س)۔ پیرو نے پیر کو میکسیکو کے ساتھ سفارتی تعلقات توڑنے کا فیصلہ کیا ہے۔ یہ فیصلہ پیرو کی سابق وزیر اعظم بیٹسی شاویزکے میکسیکو کے سفارت خانے میں سیاسی پناہ مانگنے کے بعد لیا گیا ہے۔ شاویزسابق صدر پیڈرو کاسٹیلو کی حکومت میں وزیر رہ چکی ہیں۔

پیرو کے وزیر خارجہ ہیوگو ڈی زیلا نے یہاں نامہ نگاروں کو بتایا کہ پیرو کے حکام کو معلوم ہوا کہ شاویز میکسیکو کے سفارت خانے میں چھپی ہوئی ہیں۔ انہوں نے کہا کہ اس دشمنانہ عمل کے جواب میں اور موجودہ اور سابق میکسیکو صدور کی طرف سے پیرو کے اندرونی معاملات میں بار بار مداخلت کی روشنی میں، پیرو کی حکومت نے میکسیکو کے ساتھ سفارتی تعلقات توڑنے کا فیصلہ کیا ہے۔

تاہم ابھی مزید تفصیلات جاری نہیں کی گئی ہیں۔ شاویز کو 2022 کے آخر میں صدر کاسٹیلو کی پارلیمنٹ کو تحلیل کرنے کی کوشش میں ان کے مبینہ کردار کے لیے مجرمانہ الزامات کا سامنا ہے۔ کاسٹیلو کو ہٹا دیا گیا اور وہ گھر میں نظر بند ہیں۔ شاویز بھی جون 2023 سے جیل میں تھے لیکن ستمبر میں مقدمے کی سماعت کے دوران رہا کر دیا گیا تھا۔

دریں اثنا، شاویز کے وکیل راو¿ل نوبلسلا نے مقامی ریڈیو اسٹیشن آر پی پی کو بتایا کہ انھیں کئی دنوں سے اپنے مو¿کل کی کوئی خبر نہیں ملی اور انھیں میکسیکو کے سفارت خانے میں شاویز کے پناہ لینے کے بارے میں کوئی اطلاع نہیں ہے۔

ہندوستھان سماچار

ہندوستان سماچار / محمد شہزاد