بریلی، 22 نومبر (ہ س)۔ گزشتہ26 ستمبر کے فسادات کےمعاملے میں مولانا توقیر رضا کے قریبی عارف کے خلاف انتظامیہ نے کاروائی تیز کر دی ہے۔ ہفتہ کی صبح تقریباً 11 بجے، بی ڈی اے کی ٹیم نے پیلی بھیت بائی پاس روڈ اور جگت پور پر واقع ان کی دو بڑی جائیدادوں کو منہدم کرنے کی کارروائی شروع کی۔ کارروائی کی خبرلگتے ہی پورا علاقہ پولیس کیمپ بن گیا اور لوگوں میں خوف وہراس پھیل گیا۔

بی ڈی اے کی ٹیم جے سی بی کے ساتھ پہنچی، پولیس نے علاقے کو گھیرے میں لے لیا۔ سی اوتھرڈ پنکج سریواستو کی قیادت میں موقع پر پولیس کی بھاری نفری تعینات تھی۔ کچھ فاصلے پر کھڑے مقامی لوگ اس ساری کارروائی کو دیکھتے رہے۔ بی ڈی اے کے نائب صدر ڈاکٹر اے منی کنڈن نے کہا کہ عارف نے نقشہ منظور کیے بغیر ہی جگت پور کا پورا بازار اور پیلی بھیت بائی پاس پر پیٹر انگلینڈ شو روم تعمیر کر دیا تھا۔ احاطے میں ایک جم، گھریلو سجاوٹ کا مرکز اور کئی دکانیں چل رہی تھیں۔ غیر قانونی تعمیرات کی تصدیق کے بعد، بی ڈی اے نے 11 اکتوبر کو دونوں احاطے کو سیل کر دیا۔

ہفتہ کو15 دکانوں اور دو بڑے شو رومز پر بلڈوزر کی کاروائی شروع ہوتے ہی دیواریں گرنے لگیں۔ عارف کا نیٹ ورک پہلے بھی کئی بار انتظامیہ کے ریڈار پر آ چکا ہے۔ فہم لان، اسکائی لارک ہوٹل اور فلورا گارڈن بارات گھر کو پہلے ہی سیل کیا جا چکا ہے۔ ذرائع کے مطابق عارف کے دیگر بارات گھروں کے خلاف آئندہ ہفتے کارروائی ہو سکتی ہے۔

ہندوستھان سماچار

ہندوستان سماچار / محمد شہزاد