نئی دہلی، 17 نومبر (ہ س)۔ مرکزی حکومت نے پرنٹ میڈیا میں اشتہارات کی شرح میں 26 فیصد اضافہ کرنے کا فیصلہ کیا ہے۔ روزانہ اخبارات میں بلیک اینڈ وائٹ اشتہارات کے لیے فی مربع سینٹی میٹر کی شرح (ایک لاکھ کاپیوں کی گردش کے ساتھ) 47.40 روپے سے بڑھا کر 59.68 روپے کر دی گئی ہے۔
حکومت نے رنگین اشتہارات اور بہتر پوزیشننگ کے لیے پریمیم ریٹ متعارف کرانے کے لیے کمیٹی کی سفارشات کو بھی منظور کر لیا ہے۔
اطلاعات و نشریات کی وزارت نے پیر کو ایک بیان میں کہا کہ پرنٹ میڈیا میں سرکاری تشہیر کے لیے نوڈل ایجنسی
9 جنوری 2019 کو سنٹرل بیورو آف کمیونیکیشنز (سی بی سی) کی طرف سے 8ویں ریٹ اسٹرکچر کمیٹی کی سفارشات کی بنیاد پر ریٹس پر آخری بار نظر ثانی کی گئی تھی اور یہ تین سال کے لیے درست تھیں۔
کمیٹی نے پرنٹ میڈیا کے اخراجات کا تفصیلی جائزہ لیا۔
حکومت نے 11 نومبر 2021 کو 9ویں ریٹ اسٹرکچر کمیٹی تشکیل دی تھی، جس میں پرنٹ میڈیا کے اشتہارات کے لیے نظرثانی شدہ نرخ تجویز کیے گئے تھے۔
کمیٹی نے نومبر 2021 اور اگست 2023 کے درمیان اخباری تنظیموں کے مختلف زمروں کے ساتھ بات چیت کی جس میں انڈین نیوز پیپر سوسائٹی، آل انڈیا اسمال نیوز پیپر ایسوسی ایشن،
چھوٹے درمیانے بڑے اخبارات کی سوسائٹی شامل تھے.
وزارت نے کہا سرکاری اشتہارات کے نرخوں میں اضافے سے حکومتی مواصلاتی حکمت عملی اور پرنٹ میڈیا دونوں کو اہم فوائد حاصل ہوں گے۔
اس سے اخبارات کو معیاری صحافت کو چلانے اور برقرار رکھنے میں مدد ملے گی، خاص طور پر ڈیجیٹل اور دیگر میڈیا سے مسابقت کے درمیان۔ مقامی خبروں کی کوریج اور مفاد عامہ کی رپورٹنگ کو تقویت دی جائے گی۔ میڈیا ادارے بہتر مواد میں سرمایہ کاری کر سکیں گے۔
---------------
ہندوستان سماچار / عبدالسلام صدیقی
