جنوبی افریقہ دوسرے نمبر پر

نئی دہلی ،16نومبر (ہ س )۔

جنوبی افریقہ کے خلاف کولکاتہ ٹیسٹ میں شکست کے بعد ہندوستانی ٹیم کو ورلڈ ٹیسٹ چمپئن شپ کی اسٹینڈنگ میں دھچکا لگا ہے۔ ٹیم چوتھے نمبر پر چلی گئی ہے جبکہ جنوبی افریقہ سری لنکا کو پیچھے چھوڑ کر دوسرے نمبر پر پہنچ گیا ہے۔ اتوار کو ٹیمبا باوما کی قیادت میں جنوبی افریقہ نے شاندار واپسی کرتے ہوئے پہلے ٹیسٹ میں بھارت کو 30 رنز سے شکست دی۔ ہندوستانی ٹیم نے پہلی اننگز میں 30 رنز کی برتری حاصل کی تھی لیکن اپنے گیند بازوں کی مدد سے جنوبی افریقہ نے واپسی کرتے ہوئے ہندوستان کو شکست دے کر دو میچوں کی سیریز میں 1-0 کی برتری حاصل کرلی۔

اس شکست سے قبل ہندستانی ٹیم پوائنٹس ٹیبل میں تیسرے نمبر پر تھی۔ تاہم جنوبی افریقہ کے خلاف 15 سال میں پہلی بار گھریلو سرزمین پر ٹیسٹ میچ ہارنے کے بعد ہندوستانی ٹیم چوتھے نمبر پر کھسک گئی۔ آٹھ میچوں میں یہ ان کی تیسری شکست ہے۔ ان کے پاس 52 پوائنٹس اور پوائنٹس فیصد 54.17 ہے۔ جنوبی افریقہ 24 پوائنٹس اور 66.67 پوائنٹس کے ساتھ دوسرے نمبر پر چلا گیا ہے۔ آسٹریلیا 36 پوائنٹس اور 100 پوائنٹس فیصد کے ساتھ سرفہرست ہے۔ سری لنکا (16 پوائنٹس اور 66.67 پوائنٹس فیصد) تیسرے نمبر پر ہے۔

تیسرے روز جنوبی افریقہ کی دوسری اننگز 153 رنز پر آل آو¿ٹ ہو گئی، 123 رنز کی برتری حاصل کر کے بھارت کو 124 رنز کا ہدف دیا۔ دوسری اننگز میں ہندوستان کی بیٹنگ بہت خراب رہی اور ٹیم دوسرے سیشن میں ہی 93 رنز پر آل آو¿ٹ ہوگئی۔ ہندوستان کی بیٹنگ اتنی خراب تھی کہ اس کے چھ بلے باز دوہرے ہندسے تک بھی نہیں پہنچ سکے۔ ہندوستانی بلے بازوں نے پوری جدوجہد کی اور مکمل سیشن تک بیٹنگ کی۔

ہندوستھان سماچار

ہندوستان سماچار / عطاءاللہ