منچوکا (اروناچل پردیش)، 15 نومبر (ہ س)۔

ہندوستانی فوج نے مشق پوروی پر چنڈ پرہار کے ذریعے مشرقی سیکٹر میں اونچائیوں اور دشوار گزار علاقوں میں اپنی مشترکہ آپریشنل صلاحیتوں کا مظاہرہ کیا۔ فوج، فضائیہ، بحریہ، اورآئی ٹی بی پی نے مربوط، کثیر جہتی آپریشنز کو کامیابی سے انجام دیا۔

فوج کے ترجمان لیفٹیننٹ کرنل مہندر سنگھ راوت نے کہا کہ مشق کا بنیادی مقصد مشترکہ تیاری، مربوط حرکت اور میدان جنگ میں تیزی سے تعیناتی کی صلاحیتوں کو جانچنا تھا۔ ایلیٹ فورسز جیسے اسپیشل فورسز، مارکوس، گاروڈ، بھیرو بٹالین، اور اروناچل اسکاو¿ٹس نے زمینی کارروائیوں کو رفتار اور درستگی فراہم کرکے کلیدی کردار ادا کیا۔

جدید ترین سازوسامان جیسے رات کے قابل ایف پی وی، سوارم ڈرونز، اور جدید بغیر پائلٹ کے نظام نے حقیقی وقت کی نگرانی، ہدف بندی، اور مربوط فائر سپورٹ فراہم کی۔ حملہ آور ہیلی کاپٹروں اور ایک مشترکہ 'دیویہ استر' بیٹری کے ساتھ مل کر ان ٹیکنالوجیز نے جنگی تاثیر میں مزید اضافہ کیا۔

اس مشق نے ملٹی ڈومین کوآرڈینیشن، سہ فریقی انٹرآپریبلٹی، اور ابھرتے ہوئے خطرات کا جواب دینے کی تیاری پر روشنی ڈالی، جو کہ شمالی سرحدوں کے ساتھ مستقبل کی تیاری جاری رکھنے کا اشارہ دیتی ہے۔

ہندوستھان سماچار

ہندوستان سماچار / عطاءاللہ