کولکاتا، 7 اکتوبر (ہ س)۔ مغربی بنگال کی وزیر اعلیٰ ممتا بنرجی نے پیر کو معروف غزل اور ٹھمری گلوکارہ بیگم اخترکی یوم پیدائش پرانکو خراج عقیدت پیش کیا۔ اپنے پیغام میں وزیراعلیٰ نے کہا کہ بیگم اختر کی روح پرور موسیقی نسلوں کے دلوں کو چھوتی ہے۔

ممتا بنرجی نے سوشل میڈیا پلیٹ فارم پر اپنے آفیشل اکاؤنٹ سے لکھا، عظیم غزل اور ٹھمری گلوکارہ بیگم اختر کو ان کے یوم پیدائش پر یاد کرتے ہوئے، ان کی روح پرور موسیقی نسلوں تک دلوں کو چھوتی رہے گی۔

بیگم اختر، جنہیں ملکہ غزل کے نام سے بھی جانا جاتا ہے، ہندوستانی کلاسیکی موسیقی کے اُن لوگوں میں سے ایک تھیں جنہوں نے ٹھمری، دادرہ اور غزل گائیکی کو نئی بلندیوں تک پہنچایا۔ اس کی گائیکی درد، کلاسیکیت، اور جذبات کی گہرائی کا ایک انوکھا امتزاج دکھاتی ہے۔

ہندوستھان سماچار

---------------

ہندوستان سماچار / عبدالواحد