نئی دہلی ،04اکتوبر(ہ س )۔

پانچ اکتوبر کی تاریخ ملک کی تاریخ میں ایک اہم واقعہ کے طور پر درج ہے ۔ 05 اکتوبر کو ملک کی عدالت عظمیٰ کو پہلی خاتون جج ملی۔آج ہی کے دن کیرالہ سے تعلق رکھنے والی مسلم خاتون میرا صاحب فاطمہ بی بی ملک کی سپریم کورٹ کی تاریخ میں پہلی خاتون جج بنیں۔

فاطمہ بی بی (30 اپریل 1927 – 23 نومبر 2023ء ) سپریم کورٹ آف انڈیا کی سابقہ جج تھیں۔ 1989ء میں ان کو مسند عدالت کے لیے منتخب کیا گیا اور وہ پہلی خاتون جج تھیں جن کو سپریم کورٹ آف انڈیا کا حصہ بنایا گیا اور پہلی مسلمان خاتون کے طور پر ملک کے نظام عدلیہ کا حصہ بنیں ۔

اس کے علاوہ انہوں نے عدالت سے ریٹائرمنٹ پر قومی انسانی حقوق کمیشن کی رکن کے طور پر خدمات سر انجام دیں اور اس کے بعد 1997ء سے 2001ء تک ریاست تاملناڈو بھارت کی گورنر کی حیثیت سے کام کیا۔

فاطمہ بی بی 30 اپریل 1927ء کو پتھینا متھیٹٹا، تریونکور، جو اب بھارتی ریاست کیرالہ کا حصہ ہے، میں پیدا ہوئیں۔ ان کے والد اناویتل میرا صاحب اور والدہ خدیجہ بی بی تھیں۔ فاطمہ کو14 نومبر 1950ء میں ایڈووکیٹ کی حیثیت سے داخلہ ملا۔ انھوں نے کیرالہ میں چھوٹی عدلیہ میں اپنا کیرئیر شروع کیا۔ جنوری 1980ء میں وہ جوڈیشل رکن کی حیثیت سے انکم ٹیکس سے متعلق اپیل کی ضابطہ کارروائی میں مقرر ہوئیں۔ 4 اگست 1983ءمیں ہائی کورٹ کی جج کے طور پر ان کی ترقی کی گئی۔ 14 مئی 1984ء میں ہائی کورٹ کی مستقل جج بن گئیں۔ 29 اپریل 1989ء کو انھیں ہائی کورٹ کے جج کر طور پر ریٹائر کیا گیا لیکن پھر 6 اکتوبر 1989ء کو مزید دو سال کے لیے جج کی حیثیت پر باقی رکھا گیا۔ اور یوں ان کی ریٹائرمنٹ 2 اپریل 1991ء میں ہوئی۔ پھر اس کے بعد وہ 25 جنوری 1997ء میں ریاست تاملناڈو کی گورنر مقرر ہوئیں۔ فاطمہ بی بی کا انتقال 23 نومبر 2023ء کو 96 سال کی عمر میں ہوا۔

دیگر اہم واقعات:

1793 - فرانس میں انقلاب فرانس کے دوران عیسائیت کا قیام عمل میں آیا۔

1796 -ا سپین نے انگلینڈ کے خلاف اعلان جنگ کیا۔

1864 - کلکتہ میں ایک طوفان سے تقریباً 50,000 افراد ہلاک ہوئے۔

1915 - بلغاریہ نے پہلی جنگ عظیم میں حصہ لیا۔

1946 - پہلا کانز فلم فیسٹیول اختتام پذیر ہوا۔

1948 - ترکمانستان کے دارالحکومت اشک آباد میں زلزلے سے 110,000 افراد ہلاک ہوئے۔

1962 - جیمز بانڈ سیریز کی پہلی فلم ڈاکٹر نمبر ریلیز ہوئی۔

1988 - برازیل کی آئین ساز اسمبلی نے آئین کی منظوری دی۔

1989 - جسٹس میرا صاحب فاطمہ بی بی سپریم کورٹ کی پہلی خاتون جج بنیں۔

1997 - وزیر اعظم اندر کمار گجرال نے دارالحکومت کمپالا کے پار دریائے نیل کے منبع جنجا میں مہاتما گاندھی کے مجسمے کی نقاب کشائی کی۔

ہندوستانی ٹینس کھلاڑی لیانڈر پیس اور مہیش بھوپتی نے جم کورئیر اور ایلکس اوبرائن کو شکست دے کر چائنا اوپن ٹینس ٹورنامنٹ جیت لیا۔

1999 - ہندوستان نے جامع نیوکلیئر ٹیسٹ بان ٹریٹی (سی ٹی بی ٹی) پر خصوصی اجلاس میں شرکت نہ کرنے کا فیصلہ کیا۔

2001 - پاکستانی صدر پرویز مشرف نے چیف آف آرمی اسٹاف کے طور پر اپنی مدت ملازمت میں غیر معینہ مدت کے لیے توسیع کی۔

2004 - امریکہ نے مغربی ایشیا سے متعلق عرب ممالک کی تجویز کی مخالفت کی۔

2005 - ہندوستان خوش مزاجی میں چوتھے نمبر پر رہا۔

2007 - نیپال حکومت اور ماو¿ نوازوں کے درمیان معاہدہ نہ ہونے کی وجہ سے آئین ساز اسمبلی کے انتخابات منسوخ کر دیے گئے۔

- پرویز مشرف اور بے نظیر بھٹو کے درمیان معاہدہ طے پایا۔

2008 - مرکزی حکومت نے، سپریم کورٹ کی ہدایت کے مطابق، سیتھو سمندرم پروجیکٹ کے لیے دیگر مقامات کی جانچ شروع کی۔

2011 - ایپل کے سابق سی ای او اور شریک بانی اسٹیو جابز کا 56 سال کی عمر میں انتقال ہوگیا۔

- دنیا کا سب سے سستا ٹیبلیٹ پی سی، 'آکاش' ہندوستان میں 2,250 روپے میں لانچ کیا گیا تھا۔

اہم مواقع اور تقریبات

ہیبی ٹیٹ کا عالمی دن

اساتذہ کا عالمی دن

وائلڈ لائف ہفتہ (2 اکتوبر سے 8 اکتوبر)

ہندوستھان سماچار

ہندوستان سماچار / عطاءاللہ