نئی دہلی، 30 اکتوبر (ہ س):۔

پبلک سیکٹر کینرا بینک نے رواں مالی سال 2025-26 کے لیے اپنی دوسری سہ ماہی کے نتائج کا اعلان کیا ہے۔ 30 ستمبر کو ختم ہونے والی جولائی-ستمبر سہ ماہی میں بینک کا خالص منافع 19% بڑھ کر 4,774 کروڑ ہو گیا۔ کینرا بینک کا منافع پچھلے مالی سال کی اسی سہ ماہی میں 4,015 کروڑ تھا۔

کینرا بینک نے جمعرات کوا سٹاک ایکسچینج کی فائلنگ میں اطلاع دی کہ اس کی کل آمدنی 30 ستمبر کو ختم ہونے والی جولائی-ستمبر سہ ماہی میں سال بہ سال 34,721 کروڑ سے بڑھ کر 38,598 کروڑ ہو گئی۔ سود کی آمدنی بھی سال بہ سال 29,740 کروڑ سے بڑھ کر 31,544 کروڑ ہو گئی۔

بینک کی خالص سود آمدنی جولائی تا ستمبر سہ ماہی میں گھٹ کر 9,141 کروڑ رہ گئی، جو پچھلے مالی سال کی اسی مدت میں 9,315 کروڑ تھی۔ بینک کی آپریٹنگ آمدنی بھی بڑھ کر 8,588 کروڑ ہوگئی، جو پچھلے مالی سال کی اسی سہ ماہی میں 7,654 کروڑ تھی۔

کینرا بینک کے منیجنگ ڈائریکٹر اور چیف ایگزیکٹو آفیسر (سی ای او) کے ستیہ نارائن راجو نے کہا کہ بینک کے پاس اس رفتار سے ترقی جاری رکھنے کے لیے کافی سرمایہ ہے اور اسے رواں مالی سال 2025-26 کے دوران کسی اضافی سرمائے کی ضرورت کی توقع نہیں ہے۔

ہندوستھان سماچار

ہندوستان سماچار / عطاءاللہ