نئی دہلی، 3 اکتوبر (ہ س)۔ انجینئرنگ ڈیزائن سروسز میں کام کرنے والی کمپنی ٹیلگے پروجیکٹس کے حصص نے آج معمولی اضافے کے ساتھ اسٹاک مارکیٹ میں انٹری کرے اپنےکاروبار کی شروعات کی۔ کمپنی کے شیئرز آئی پی او کے تحت 105 روپے کی قیمت پر جاری کیے گئے تھے۔ آج،بی ایس ای کے ایس ایم ای پلیٹ فارم پر اس کی لسٹنگ3 فیصد کے پریمیم کے ساتھ 108.10 روپے میں ہوئی۔ حالانکہلسٹنگ کے بعد خریداری کی وجہ سے کمپنی کے حصص کی قیمت 112 روپے تک جاپہنچی لیکن بعد میں منافع وصولی کی وجہ سے یہ اوپری سطح سے تھوڑا پھسل بھی گیا۔ صبح 11:30 بجے تک کا کاروبار ہونے کے بعد ٹیلگے پروجیکٹس کے حصص 110.85 روپے پر کاروبار کر رہے تھے۔

ٹیلگے پروجیکٹس کا 27.24 کروڑ روپے کا آئی پی او 25 اور 29 ستمبر کے درمیان سبسکرپشن کے لیے کھلا تھا۔ اس آئی پی او کو سرمایہ کاروں کی طرف سے اوسط رسپانس ملا، جس کے نتیجے میں اسے مجموعی طور پر 2.99 گنا سبسکرپشن ہوا۔ ان میں سے، اہل ادارہ جاتی خریداروں (کیو آئی بی) کے لیے ریزرو پورشن کو 5.41 بار سبسکرائب کیا گیا۔

غیر ادارہ جاتی سرمایہ کاروں ( این آئی آئی) کے لیے ریزرو پورشن کو 2.75 گنا سبسکرائب کیا گیا۔ اسی طرح خوردہ سرمایہ کاروں کے لیے مختص حصے کو 1.72 گنا سبسکرائب کیا گیا۔ اس آئی پی او می کے تحت 10روپے فیس ویلیو والے 2,594,400 نئے حصص جاری کئے گئے ہیں۔ کمپنی آئی پی او کے ذریعے حاصل ہونے والی آمدنی کو اپنی ورکنگ کیپیٹل کی ضروریات اور عام کارپوریٹ مقاصد کے لیے استعمال کرے گی۔

کمپنی کی مالی حالت کے بارے میں بات کریں تو پراسپیکٹس میں کئے گئے دعوے کے مطابق اس کی مالی حالت مسلسل مضبوط ہوئی ہے۔ مالی سال 2022-23 میں، کمپنی نے90 لاکھ روپے کا خالص منافع ہوا تھا، جو مالی سال 2023-24 میں بڑھ کر2.66کروڑ روپے ہو گیا اور مالی سال 2024-25 میں مزید بڑھ کر5.38کروڑ روپے کی سطح پر پہنچ گیا۔ اس مدت کے دوران، کمپنی کی آمدنی 105 فیصد سے زیادہ کی کمپاو¿نڈ سالانہ ترقی کی شرح (سی اے جی آر) سے بڑھ کر 25.65کروڑ روپے کی سطح تک پہنچ گئی۔

اس عرصے کے دوران کمپنی کے قرضوں کے بوجھ میں بھی بتدریج اضافہ ہوا۔ مالی سال 2022-23 کے اختتام پر، کمپنی کا قرض 2.5کروڑ روپے تھا، جو مالی سال 2023-24 کے اختتام تک بڑھ کر 2.76کروڑ روپے ہو گیا۔ اسی طرح، مالی سال 2024-25 کے اختتام پر، کمپنی کا قرض بڑھ کر 9.38کروڑ روپے کی سطح تک پہنچ گیا۔

اس مدت کے دوران کمپنی کے ریزرو اور سرپلس کی بات کریں تومالی سال 2022-23 کے اختتام پر یہ 1.09 کروڑ روپے کی سطح پر تھا، جو مالی سال 2023-24 کے اختتام پر بڑھ کر 3.66 کروڑ روپے اور مالی سال 2024-25 کے آخر میں مزید بڑھ کر 10.31 کروڑ روپے کی سطح تک پہنچ گیا۔

ہندوستھان سماچار

ہندوستان سماچار / محمد شہزاد