چند روز قبل اداکار جتیندر کمار کی آنے والی فلم ”بھاگوت“ کا ٹیزر جاری کیا گیا تھا۔ ٹیزر میں جتیندر کمار کے ان دیکھے انداز نے سب کی توجہ اپنی جانب کھینچ لی۔ اسی طرح اب ”بھاگوت“ کا موضوع بحث ٹریلر بھی ریلیز کر دیا گیا ہے۔ ٹریلر معصوم پنچایت سکریٹری کے پہلے سے نظر نہ آنے والے، خوفناک پہلو کو ظاہر کرتا ہے۔

بھاگوت کے ٹریلر میں ہم شروعات میں دیکھتے ہیں کہ ارشد وارثی اس شہر میں ایک جارح پولیس افسر کے طور پر جانے جاتے ہیں۔ جس جیل میں وہ تعینات ہوتے ہیں ، وہ ایک قیدی کو اس قدر مارتے ہیں کہ وہ مر جاتا ہے۔ پھر، ارشد کو شکایت موصول ہوئی کہ اس کی بیٹی لاپتہ ہو گئی ہے۔ ارشد نے لڑکی کے والد سے وعدہ کیا کہ وہ اسے 15 دن کے اندر واپس لے آئیں گے۔ اس کے بعد ٹریلر جیتو کو متعارف کراتا ہے۔ معصوم نظر آنے والے جیتو کو ایک لڑکی سے پیار ہو جاتا ہے اور دونوں کے درمیان رومانوی مناظر دیکھنے کو ملتے ہیں۔ پھر ارشد وارثی جیتو کو گرفتار کر لیتا ہے۔ جیتو پر کئی لڑکیوں کو اغوا کرنے کا الزام ہے، اور معاملہ عدالت میں پہنچ گیا۔ جیتو پھر کسی وکیل کی مدد کے بغیر خود ہی مقدمہ لڑنے کا فیصلہ کرتا ہے۔

ٹریلر مزید کئی موڑ اور رخ کو ظاہر کرتا ہے۔ اس کے علاوہ جیتو کا لپ لاک سین بھی نظر آتا ہے۔ جیتو کے خوفناک اوتار سے ہر کوئی دنگ رہ جاتا ہے۔ مزید یہ کہ ارشد وارثی اور جیتو کی اداکاری بھی قابل دید ہے۔ یہ کرائم تھرلر او ٹی ٹی پلیٹ فارم زی5 پر ریلیز ہونے والا ہے اور 17 اکتوبر سے او ٹی ٹی پر دستیاب ہوگا۔

ہندوستھان سماچار

ہندوستان سماچار / عطاءاللہ