نئی دہلی، 28 اکتوبر (ہ س)۔ ضلع شاہدرہ کے علاقے سیما پوری میں پیر کی رات دیر گئے لڑائی-جھگڑے کے دوران ایک نوجوان کو چاقو کے وار کر کے قتل کر دیا گیا۔ تفتیش میں مقتول کی شناخت اکبر علی مرزا کے طور پر ہوئیہے۔ پولیس نے اس معاملے میں دو مشتبہ افراد کو حراست میں لیا ہے، جن سے وہ پوچھ گچھ کر رہی ہے۔

شاہدرہ ضلع کے ڈپٹی کمشنر آف پولیس پرشانت گوتم نے منگل کو بتایا کہ پیر کی رات تقریباً 11:56 بجے سیما پوری تھانہ پولیس کو پی سی آر کال کے ذریعہجھگڑے کی اطلاع موصول ہوئی۔ پولیس فوری طور پر جائے وقوعہ پر پہنچ گئی۔ شکایت کنندہ، فرحین، جو متوفی اکبر علی کی اہلیہ ہے، نے بتایا کہ اسی محلے کا ایک نوجوان مسلم (18) اس کے بارے میں نازیبا تبصرے کررہا تھا۔ جب اس نے اعتراض کیا تو اس نے اس کے ساتھ بدسلوکی کی اور اس پر حملہ بھی کیا۔

اسی دوران اس کا شوہر اکبر علی بیچ-بچاو کرنے پہنچا۔ تب ہی مسلم کے ماموں بھی وہاں آگیا اور سب نے مل کر اکبر علی پر چاقو سے حملہ کر دیا۔ اکبر علی کو کئی شدید چوٹیں آئیں اور انہیں اسپتال میں مردہ قرار دے دیا گیا۔

تحقیقات سے پتہ چلا ہے کہ متوفی اکبر علی سیما پوریتھانے کا بی سی تھا۔ فی الحال کرائم برانچ اور ایف ایس ایل کی ٹیموں نے جائے وقوعہ کا معائنہ کیا ہے۔ چھیڑ چھاڑ اور قتل کی دفعات کے تحت مقدمہ درج کر لیا گیا ہے اور مزید تفتیش جاری ہے۔

ہندوستھان سماچار

ہندوستان سماچار / محمد شہزاد