پی ایم مودی نے سمستی پور کے لوگوں سے بھری دوپہر میں موبائل کی فلیش لائٹ کیوں آن کرائی؟سمستی پور، 24 اکتوبر (ہ س)۔ وزیر اعظم نریندر مودی بہار میں سمستی پور اور بیگوسرائے میں انتخابی ریلیاں کر رہے ہیں۔ سمستی پور میں وزیر اعظم مودی نے سب سے پہلے آنجہانی کرپوری ٹھاکر کے آبائی گاؤں کرپوری گرام کا دورہ کیا اور ان کے مجسمے پر گلہائے عقیدت نذر کئے۔ ریلی سے خطاب کرتے ہوئے وزیر اعظم مودی نے آر جے ڈی پر شدید حملہ کیا۔ انہوں نے کہا کہ جمہوریت کے عظیم تہوار کا بگل بج چکا ہے اور پورا بہار کہہ رہا ہے کہ ایک بار پھر، این ڈی اے سرکار، ایک بار پھر، اچھی حکمرانی کی سرکار، جنگل راج کے لوگوں کو عوام دور رکھے گی۔پی ایم مودی نے کہا کہ جب آپ جی ایس ٹی بچت اتسو سے لطف اندوز ہو رہے ہیں، وہیں کل چھٹھی میا کا مہاپرو بھی شروع ہونے والا ہے، اتنے مصروف وقت میں بھی آپ اتنی بڑی تعداد میں یہاں آئے ہیں۔ سمستی پور کے ماحول اور متھیلا کے مزاج نے اس بات کو یقینی بنایا ہے کہ جب این ڈی اے حکومت دوبارہ اقتدار میں آئے گی تو بہار ایک نئی رفتار سے آگے بڑھے گی۔اس موقع پر پی ایم مودی نے سب لوگوں سے اپنے موبائل کی فلیش لائٹ آن کرنے کے لیے کہا۔ وزیراعظم نے کہا کہ، اپنا موبائل فون نکالو اور لائٹ آن کرو۔ اب بتاؤ، جب اتنی روشنی ہے تو کیا آپ کو لالٹین کی ضرورت ہے؟ پورا ملک آپ کو سن رہا ہے اور دیکھ رہا ہے۔ بہار کو لالٹین اور اس کے ساتھیوں کی ضرورت نہیں ہے۔ ہماری حکومت نے انٹرنیٹ کو سستا کر دیا ہے۔ ہندوستان میں ایک جی بی ڈیٹا چائے کے کپ سے زیادہ مہنگا نہیں ہوگا۔ہندوستھان سماچار

ہندوستان سماچار / Mohammad Afzal Hassan