نئی دہلی، 24 اکتوبر (ہ س)۔ عالمی منڈیوں میں آج مضبوطی کے آثار دکھائی دے رہے ہیں۔ امریکی بازار گزشتہ سیشن میں بلندی پر بند ہوئے۔ اسی طرح ڈاؤ جونز فیوچر بھی آج اونچائی پر تجارت کر رہے ہیں۔ یورپی منڈیوں میں بھی گزشتہ سیشن کے دوران مسلسل خریداری دیکھنے میں آئی۔ ایشیائی منڈیوں میں بھی آج عام طور پر تیزی ہے۔
گزشتہ سیشن کے دوران امریکی مارکیٹ میں جوش و خروش کا ماحول تھا، جس کی وجہ سے وال اسٹریٹ انڈیکس تیزی کے ساتھ بند ہونے میں کامیاب رہے۔ ایس اینڈ پی 500 انڈیکس 0.58 فیصد بڑھ کر 6,738.44 پوائنٹس کی سطح پر بند ہوا۔ اسی طرح نیس ڈیک نے 201.40 پوائنٹس یعنی 0.89 فیصد اضافہ کیا اور آخری سیشن 22,941.80 پوائنٹس کی سطح پر ختم ہوا۔ جبکہ ڈاؤ جونز فیوچر آج 0.12 فیصد اضافے کے ساتھ 46,792.62 پوائنٹس کی سطح پر تجارت کر رہا ہے۔
امریکہ کی طرح یورپی منڈیوں میں بھی گزشتہ سیشن کے دوران تیزی کا رجحان برقرار رہا۔ ایف ٹی ایس ای انڈیکس 0.66 فیصد اضافے کے ساتھ 9,578.57 پوائنٹس پر بند ہوا۔ اسی طرح سی اے سی انڈیکس 0.23 فیصد اضافے کے ساتھ 8,225.78 پوائنٹس پر بند ہوا۔ مزید برآں، ڈی اے ایکس انڈیکس 0.23 فیصد اضافے کے ساتھ 24,207.79 پوائنٹس پر بند ہوا۔
ایشیائی مارکیٹ میں بھی آج عام طور پر تیزی کا رجحان ہے۔ نو ایشیائی مارکیٹوں میں سے سات کے انڈیکس سبز رنگ میں ٹریڈ کر رہے ہیں جبکہ ایک انڈیکس کمی کے ساتھ سرخ رنگ میں ہے۔ تائیوان اسٹاک ایکسچینج میں تعطیل کے باعث آج تائیوان ویٹڈ انڈیکس میں کوئی تبدیلی نہیں ہوئی۔ ایشیائی بازار میں واحد انڈیکس نفٹی فی الحال 0.03 فیصد کی علامتی کمزوری کے ساتھ 25,952 پوائنٹس کی سطح پر ٹریڈ کر رہا ہے۔
دوسری جانب اسٹریٹس ٹائمز انڈیکس 0.27 فیصد اضافے کے ساتھ 4,428.39 پر ٹریڈ کر رہا ہے۔ اسی طرح جکارتہ کمپوزٹ انڈیکس 0.44 فیصد بڑھ کر 8,310.71 تک پہنچ گیا۔ کوسپی انڈیکس میں بھی آج زبردست تیزی دیکھی جا رہی ہے۔ فی الحال یہ انڈیکس 84.30 پوائنٹس یا 2.19 فیصد چھلانگ لگا کر 3,929.86 تک پہنچ گیا ہے۔
اسی طرح نکی انڈیکس 716.39 پوائنٹس یعنی 1.47 فیصد اضافے کے ساتھ 49,358 پوائنٹس کی سطح پر پہنچ گیا۔ اس کے علاوہ ایس اینڈ پی کمپوزٹ انڈیکس 0.82 فیصد اضافے کے ساتھ 1313.05 پوائنٹس کی سطح پر ٹریڈ کر رہا ہے، ہینگ سینگ انڈیکس 164.02 پوائنٹس یا 0.63 فیصد اضافے کے ساتھ 26,132 پوائنٹس کی سطح پر ٹریڈ کر رہا ہے اور شنگھائی کمپوزٹ انڈیکس 0.42 فیصد پوائنٹس کے اضافے کے ساتھ 26,132 پوائنٹس کی سطح پر ٹریڈ کر رہا ہے۔
---------------
ہندوستان سماچار / عبدالسلام صدیقی
