کراکس، 23 اکتوبر (ہ س)۔

وینزوئیلا کے صدر نکولس مادورو نے اعلان کیا ہے کہ ان کے ملک کے پاس 5000 روسی ساختہ زمین سے سطح پر مار کرنے والے میزائل ہیں جو کسی بھی امریکی حملے کا جواب دینے کے لیے تیار ہیں۔ مادورو نے یہ دعویٰ بدھ کو ایک مقامی ٹی وی چینل کو انٹرویو دیتے ہوئے کیا۔ قابل ذکر ہے کہ مادورو کا یہ بیان ایک ایسے وقت میں آیا ہے جب امریکی افواج وینزویلا میں منشیات کی اسمگلنگ کے شبہ میں کشتیوں پر بمباری جاری رکھے ہوئے ہیں۔

مادورو نے ٹی وی چینل کو انٹرویو دیتے ہوئے کہا کہ ان کے پاس 5000 روسی ساختہ میزائل ہیں، جو وینزوئیلا کے امن اور آزادی کی حفاظت کریں گے۔ انہوں نے مزید کہا کہ وہ کسی بھی سامراجی حملے کا جواب دینے کی صلاحیت رکھتے ہیں اور ان کی افواج اپنی سرزمین کے ایک ایک انچ کا دفاع کریں گی۔

قابل ذکر ہے کہ امریکی صدر ڈونالڈ ٹرمپ مادورو کو انسانی حقوق کی خلاف ورزی اور امریکی مفادات کے خلاف کام کرنے والا ڈکٹیٹر سمجھتے ہیں۔ ٹرمپ انتظامیہ مادورو حکومت کو منشیات کی اسمگلنگ سے جوڑتی ہے، اور ٹرمپ مادورو کو منشیات کا مالک کہتے ہیں۔ حال ہی میں امریکی افواج نے وینزویلا کی متعدد کشتیوں پر بار بمباری کی ہے جن پر منشیات لے جانے کا شبہ ہے۔ تاہم امریکہ نے ابھی تک اس حوالے سے کوئی ثبوت فراہم نہیں کیا ہے۔

ہندستھان سماچار

ہندوستان سماچار / عطاءاللہ