پریاگ راج، 22 اکتوبر (ہ س)۔ اتر پردیش کے پریاگ راج ضلع کے دھومن گنج پولیس اسٹیشن کی ایک پولیس ٹیم نے بدھ کے روز دھن تیرس واقعہ کے ملزم کار ڈرائیور کو گرفتار کر لیا۔ گرفتار ملزم کو عدالت میں پیش کر کے جیل بھیج دیا گیا۔

ڈپٹی کمشنر آف پولیس سٹی منیش کمار شانڈلیہ نے بتایا کہ گرفتار ملزم رچیت مدھیان ولد واسودیو ہے جو پریاگ راج کے خلد آباد تھانہ علاقہ کے لوکر گنج کا رہنے والا ہے۔

قابل ذکر ہے کہ 19 اکتوبر کو دھومن گنج تھانہ علاقہ کے راجروپ پور محلے میں بے قابو کار کی ٹکر سے پردیپ کمار پٹیل (55) ولد روشن لال پٹیل ہلاک اور چھ دیگر زخمی ہوگئے تھے۔ڈرائیور کے خلاف مقدمہ درج کر لیا گیا تھا۔ پولیس ٹیم نے بدھ کی صبح ملزم رچیت مدھیان کو گرفتار کیا اور اس کے خلاف قانونی کارروائی کے بعد اسے جیل بھیج دیا۔

ہندوستھان سماچار

ہندوستان سماچار / محمد شہزاد