بہار اسمبلی انتخابات 2025 : مسلم امیدوار کو ٹکٹ نہیں دینے پر مکیش سہنی نے خاموشی توڑیدربھنگہ، 22 اکتوبر (ہ س)۔ بہار اسمبلی انتخابات کے دوران سیاست دانوں میں پارٹیوں کا ٹکٹ پانے کے لیے ہوڑ مچی ہوئی تھی۔ ہر پارٹی میں ٹکٹ نہ پانے والوں کی ایک بڑی تعداد تیار ہو چکی ہے۔ پارٹیاں اور پارٹی صدور بھی ٹکٹوں کی تقسیم پر مسلسل وضاحتیں دے رہے ہیں۔ اسی تناظر میں جب وکاس شیل انسان پارٹی (وی آئی پی) کے سربراہ مکیش سہنی سے پوچھا گیا کہ انہوں نے ایک بھی مسلم امیدوار کو ٹکٹ کیوں نہیں دیا تو انہوں نے عجیب و غریب جواب دیا۔در اصل مکیش سہنی گزشتہ روز دربھنگہ میں پارٹی کے مرکزی دفتر کی افتتاحی تقریب میں پہنچے تھے۔ دفتر کا باضابطہ افتتاح کرنے کے بعد انہوں نے صحافیوں کے متعدد سوالوں کے جواب دیے۔ وی آئی پی کے 15 سیٹوں پر الیکشن لڑنے اور ایک بھی مسلم امیدوار کو کھڑا نہ کرنے کے سوال کے جواب میں مکیش سہنی نے کہا کہ انہوں نے سب کو ساتھ لانے کی کوشش کی تھی، لیکن مسلم کمیونٹی سے مسلم امیدوار نہ ملنے کی وجہ سے انہوں نے ٹکٹ نہیں دیا۔مکیش سہنی نے کہا کہ دربھنگہ میں تبدیلی کی لہر ہے۔ اس بار عوام ترقی اور عزت و وقار کے ایشوز پر ووٹ دیں گے۔ تمام مذاہب اور ذاتوں کے لوگ ہمارا ساتھ دے رہے ہیں اور اس بار بہار میں عظیم اتحاد کی حکومت بنے گی۔دربھنگہ میں چھ نومبر کو ووٹنگ ہونے والی ہے، لیکن ابھی تک عظیم اتحاد کے اندر صورت حال اچھی نہیں لگ رہی ہے۔ عظیم اتحاد کی اتحادی جماعتوں کی باہمی کشمکش کی وجہ سے تال میل کو نظرانداز کرتے ہوئے پارٹیوں نے 243 نشستوں کے لیے 254 امیدوار کھڑے کیے ہیں۔ہندوستھان سماچار

ہندوستان سماچار / Mohammad Afzal Hassan