نئی دہلی، 19 اکتوبر (ہ س)۔

بھارتیہ جنتا پارٹی کے رکن پارلیمنٹ سمبت پاترا نے ترنمول کانگریس پر بنگال میں ووٹ چوری کا الزام لگایا۔ اخباری نمائندوں سے بات کرتے ہوئے انہوں نے کہا کہ ٹی ایم سی مخالف رائے دہندوں کو ووٹ ڈالنے سے روکا جاتا ہے اور جو لوگ پولنگ اسٹیشنوں پر پہنچتے ہیں انہیں ووٹ ڈالنے کی اجازت نہیں ہوتی۔ بوتھ لیول آفیسر (بی ایل او) اسوسی ایشن کے جنرل سکریٹری سو پن منڈل کے ایک حالیہ انٹرویو کا حوالہ دیتے ہوئے انہوں نے کہا کہ ای وی ایم مشینوں میں ٹی ایم سی کے علاوہ تمام پارٹیوں اور امیدواروں کے بٹن اور تصاویر کو سیاہ ٹیپ سے ڈھانپ دیا جاتا ہے تاکہ صرف ٹی ایم سی کا بٹن ہی دبایا جاسکے۔ ڈائمنڈ ہاربر کی مثال دیتے ہوئے پاترا نے کہا کہ ابھیشیک بنرجی کو ملنے والے 700,000 ووٹ اصلی نہیں تھے۔ یہ ووٹ غیر قانونی تارکین وطن اور مردہ ووٹروں کے نام پراکسی ووٹنگ تھے۔ انہوں نے کہا کہ یہی وجہ ہے کہ ممتا بنرجی اور راہل گاندھی اسپیشل انٹینسیو ریویژن (ایس آئی آر) کی مخالفت کر رہے ہیں۔

ہندوستھان سماچار

ہندوستان سماچار / عطاءاللہ