چندور ریلوے ٹاؤن میں جعلی نوٹ رکھنے کے الزام میں ایک شخص گرفتار

امراوتی، 4 جنوری (ہ س)۔ لوکل کرائم برانچ نے چندور ریلوے ٹاؤن میں ایک شخص

کو گرفتار کیا ہے جو سو۔ سو روپے کے جعلی نوٹ لے کر جا رہا تھا۔ گرفتار ملزم کی شناخت

انکش گلابراو سونکوار (24 سال) کے طور پر ہوئی ہے، جو سنگولواڑا، ضلع چندور ریلوے

کا رہائشی ہے۔

لوکل کرائم

برانچ کے سب انسپکٹر محمد تسلیم شیخ غفور رات تقریباً 8.30 بجے چندر ریلوے ٹاؤن کے

اتھاوڑی بازار میں گشت کر رہے تھے کہ پولیس کو خفیہ اطلاع ملی کہ ایک شخص نقلی نوٹ لے کر جا رہا

ہے۔ جب

ملزم سے پوچھ گچھ کی گئی اور جسم کی تلاشی لی گئی تو اس کے پاس سے 100۔100 کے نوٹ برآمد

ہوئے۔ ملزم کے قبضے سے تقریباً 10 ہزار روپے اور موبائل ضبط کر لیے گئے۔

چندور ریلوے پولیس نے ملزم کے خلاف بھارتیہ نیائے

سہنتا (بی این ایس) سیکشن 179 اور 180 کے تحت مقدمہ درج کر کے گرفتار کر لیا ہے۔

ملزم کو عدالت میں پیش کیا گیا جہاں عدالت نے اسے 9 جنوری تک پولیس کی تحویل میں

دے دیا ہے۔ پولیس مزید تحقیقات کر رہی ہے۔

ہندوستھان

سماچار

--------------------

ہندوستان سماچار / نثار احمد خان