ہندوستانی خواتین ٹیم نے فیفا کے دوسرے دوستانہ میچ میں مالدیپ کو 1-11 سے شکست دی

بنگلورو، 3 جنوری (ہ س)۔ ہندوستانی خواتین کی فٹ بال ٹیم نے جمعرات کو دوسرے دوستانہ میچ میں مالدیپ کو 1-11 سے شکست دی۔ ڈیبیو میں متاثر کن مظاہرہ کرتے ہوئے فارورڈ لنگڈیکم نے چار گول کیے جس کی بدولت ہندوستانی خواتین ٹیم نے جمعرات کو کھیلے گئے دوسرے فیفا دوستانہ میچ میں مالدیپ کو 1-11 سے شکست دی۔

پڈوکون ڈروڈ سنٹر فار اسپورٹس ایکسیلنس میں کھیلے گئے اس میچ میں لنگڈیکم نے (12ویں، 16ویں، 56ویں اور 59ویں منٹ) ہر ہاف میں دو گول کیے، جبکہ میچ میں اپنا ڈیبیو کرنے والی این سبانی دیوی نے بھی (45+1ویں منٹ) ایک گول کیا۔

میچ میں بھارت کی طرف سے کاجول ڈیسوزا (15ویں منٹ)، پوجا (41ویں منٹ)، سمرن گرونگ (62ویں اور 68ویں منٹ) اور کھمکچام بھومیکا دیوی (71ویں منٹ) نے گول کئے۔

مالدیپ کی جانب سے واحد گول مریم ریفا نے 27ویں منٹ میں کیا۔ جبکہ مالدیپ کی کپتان حوا حنیفہ نے 17ویں منٹ میں ایک خود کش گول کیا جس سے بھارت کے گول کی تعداد میں مزید اضافہ ہوا۔

ہندوستھان سماچار

---------------

ہندوستان سماچار / انظر حسن