ترکا کا فڑنویس کے سامنے ہتھیار ڈالنا نکسل تحریک کو بڑا جھٹکا

ممبئی، 2 جنوری (ہ س)۔ ویملا چندر سدم عرف ترکا کا مہاراشٹر کے وزیر

اعلیٰ دیویندر فڑنویس کے سامنے ہتھیار ڈالنا اور مرکزی دھارے میں شامل ہونا نکسل

تحریک کے خلاف ایک مضبوط پیغام ہے، جس سے مہاراشٹر کے گڈچرولی ضلع میں ماؤنوازوں

کی بھرتی کے اڈے بند ہونے کی نشاندہی ہوتی ہے۔

ترکا (62) ان 11 نکسلیوں میں شامل تھیں جنہوں نے

بدھ کو فڑنویس کے سامنے خودسپردگی کی۔ ترکا کمیونسٹ پارٹی آف انڈیا (ماؤسٹ) کی

مرکزی کمیٹی کے رکن بھوپتی عرف سونو عرف وینوگوپال عرف ملوجولا وینوگوپال کی اہلیہ

ہیں۔ ترکا نے 1986 میں نکسل تحریک میں مقامی سکواڈ کے

رکن کے طور پر شمولیت اختیار کی اور 38 سال سے زائد عرصے تک اس میں ترقی کرتے ہوئے

ڈنڈکارنیا اسپیشل زونل کمیٹی کا رکن بن گئی۔ اس نے سیکورٹی اہلکاروں کے ساتھ 35

مقابلوں میں حصہ لیا۔

گڈچرولی پولیس کے عہدیداروں نے بتایا کہ ترکا 66

جرائم میں مطلوب تھیں اور ان کے سر پر 25 لاکھ روپے کا انعام تھا۔ 1983 میں آہیری

دلم میں شمولیت کے بعد، ترکا کو 1987 میں پیریملی دلم میں منتقل کر دیا گیا جہاں

وہ ایریا کمانڈر اور ڈپٹی کمانڈر کے طور پر کام کرتی رہیں۔ پولیس نے ایک بیان میں کہا کہ ترکا 1996 میں بھامرا

گڑھ ایل او ایس کی کمانڈر کے طور پر ترقی پانے کے بعد 2006 تک بھامرا گڑھ علاقے

میں ایکشن کمیٹی کے سکریٹری کے طور پر کام کرتی رہیں۔ 2006 میں وہ ماؤنوازوں کے

جنوبی گڈچرولی ڈویژن میں ڈویژنل کمیٹی کا رکن بن گئی اور 2010 تک وہاں کام کیا۔

ستمبر 2024 میں، ترکا کو ڈنڈکارنیا اسپیشل زونل کمیٹی کا رکن مقرر کیا گیا اور اس

نے ہتھیار ڈالنے سے پہلے اس کی میڈیکل ٹیم کے انچارج کے طور پر کام کیا۔

ہندوستھان

سماچار

--------------------

ہندوستان سماچار / نثار احمد خان