حیدرآباد ۔15 ، جنوری (ہ س) حیدرآبادکی کل ہند صنعتی نمائش میں عوام میں جوش وخروش دیکھاجارہا ہے۔سنکرانتی کی تعطیلات کے سبب روزانہ تقریبا 60,000 افراد نمائش دیکھنے کے لئے آ رہے ہیں جہاں سے وہ پسندیدہ گھریلو اشیاء، کپڑے اور کھانے پینے کا سامنا خریدرہے ہیں۔ پولیس نے نمائش میں آنے والوں کی حفاظت کو یقینی بنانے کے لیے سخت اقدامات کیے ہیں۔انسداد بم اسکواڈ کی ٹیمیں جن میں تین اے سی پیز اور 9 انسپکٹرس شامل ہیں تعینات کی گئی ہیں۔ اس نمائش میں کشمیر سے کنیاکماری تک کے تاجر اپنے اسٹالس لگاتے ہیں۔ نمائش کو دیکھنے کے لئے آنے والوں کی سلامتی کو یقینی بنانے کے لئے مناسب اقدامات کئے گئے ہیں۔یہاں لگائے گئے اسٹالس سے ہونے والی آمدنی 18تعلیمی اداروں پر خرچ کی جاتی ہے جو سوسائٹی کی جانب سے چلائے جاتے ہیں۔ خواتین اور لڑکیوں کی سلامتی کو یقینی بنانے کے لئے شی ٹیمس کو بھی تعینات کیاگیا ہے۔

ہندوستھان سماچار

ہندوستان سماچار / محمدعبدالخالق