ہنوئی، 14 جنوری (ہ س)۔ ویتنام اور روس نے منگل کو روسی وزیر اعظم میخائل میشوسٹن کے ہنوئی کے دو روزہ دورے کے دوران جوہری توانائی کے شعبے میں تعاون کو بڑھانے کے لیے ایک معاہدے پر دستخط کئے ہیں۔

جنوب مشرقی ایشیائی ملک اپنے جوہری توانائی کے منصوبوں کو بحال کرنے کی کوشش کر رہا ہے جب اس نے بڑھتے ہوئے اخراجات اور حفاظتی خدشات کی وجہ سے 2016 میں دو جوہری پاور پلانٹس کی تعمیر روک دی تھی۔ اس سے 2050 تک توانائی کے لیے خود کفیل بننے کے اپنے ہدف کو حاصل کرنے اور گرین ہاؤس کے اضافی اخراج کو روکنے میں مدد ملے گی۔

یہ معاہدہ روس کی سرکاری نیوکلیئر پاور کمپنی روساٹم اور ویتنام کی سرکاری پاور یوٹیلیٹی ای وی این کے درمیان طے پایا۔

وزیر اعظم میشوسٹین نے اپنے ہم منصب فام من چن کے ساتھ بھی دو طرفہ بات چیت کی اور ویتنام کی کمیونسٹ پارٹی کے سربراہ ٹو لام اور ویتنام کی قومی اسمبلی کے اسپیکر تران تھن من سے ملاقات کی۔

میشوسٹن نے کہا کہ ویتنام جنوب مشرقی ایشیا میں روس کا ایک اہم شراکت دار ہے۔ آج ہم آپ کے ساتھ روس اور ویتنام کے درمیان تعاون کے ایک جامع منصوبے پر بات کرنے کا ارادہ رکھتے ہیں، جو 2030 تک جاری رہے گا۔ بدھ کو وہ صدر لوونگ کونگ سے بھی ملاقات کریں گے۔

ہندوستھان سماچار

ہندوستان سماچار / عبدالواحد