نئی دہلی، 14 جنوری (ہ س)۔ مرکزی حکومت نے منگل کو نئی اور قابل تجدید توانائی (ایم این آر آئی ) کی وزارت کا اضافی چارج صارفین کے امور کی سکریٹری ندھی کھرے کو سونپا ہے۔ کھرے کو باقاعدہ تقرری تک یا اگلے احکامات تک، جو بھی پہلے ہو، فوری اثر کے ساتھ ایم این آر آئی کا اضافی چارج سونپا گیا ہے۔

حکومت کی طرف سے منگل کو جاری کردہ ایک حکم نامے میں کہا گیا ہے کہ کابینہ کی تقرری کمیٹی نے فوری طور پر اس تقرری کو منظوری دے دی ہے۔ ندھی کھرے اس عہدہ پر برقرار رہیں گی جب تک کہ باقاعدہ عہدہ دار کی تقرری یا مزید احکامات، جو بھی پہلے ہو۔

سرکاری حکم کے مطابق، حکومت ہند نے 1992 بیچ کی انڈین ایڈمنسٹریٹو سروس ( آئی اے ایس) افسر ندھی کھرے کو نئی اور قابل تجدید توانائی کی وزارت کا سکریٹری مقرر کیا ہے۔ کھرے کو یہ اضافی چارج ان کی موجودہ حیثیت میں صارفین کے امور، خوراک اور عوامی تقسیم کی وزارت کے تحت صارفین کے امور کے محکمہ میں سکریٹری کے طور پر دیا گیا ہے۔

قابل ذکر ہے کہ منی پور حکومت کی درخواست پر پرشانت کمار سنگھ کو ان کے پیرنٹ کیڈر میں واپس بھیجے جانے کے بعد یہ عہدہ خالی ہو گیا تھا۔ اس کے ساتھ ہی سنگھ کو منی پور کا نیا چیف سکریٹری مقرر کیا گیا ہے، جہاں مئی 2023 میں کوکی اور میتی گروپوں کے درمیان پہلی جھڑپ کے بعد سے نسلیتشدد ہو رہا ہے۔

ہندوستھان سماچار

ہندوستان سماچار / محمد شہزاد