شروعاتی کاروبار میں شیئر بازار پر فروخت کا دباو، سینسیکس اور نفٹی میں گراوٹ
نئی دہلی، 10 جنوری (ہ س)۔ گھریلو شیئر بازار میں آج شروعاتی کاروبار کے دوران دباو نظر آرہا ہے۔ آج کے کاروبار کی شروعات معمولی سبقت کے ساتھ ہوئی تھی۔ بازار کھلنے کے بعد خریداری کی حمایت ملنے کی وجہ سے شیئر بازار میں تیزی کا رجحان نظر آیا، لیکن کچھ دیر بعد فروخت کے دباو کی وجہ سے سینسیکس اور نفٹی دونوں انڈیکس سرخ نشان میں ڈوب گئے۔ کاروبار کے پہلے گھنٹے کے بعد سینسیکس 0.54 فیصد اور نفٹی 0.62 فیصد کی کمزوری کے ساتھ کاروبار کر رہے تھے۔
کاروبار کے پہلے گھنٹے میں آئی ٹی سیکٹر کے شیئر میں مسلسل خریداری ہورہی تھی۔ اس دوران شیئر مارکیٹ کے بڑے شیئروں میں سے ٹی سی ایس، ٹیک مہندرا، وپرو، انفوسس اور نیسلے کے شیئر 3.99 فیصد سے لیکر 0.88 فیصد کی مضبوطی کے ساتھ کاروبار کر رہے تھے۔ دوسری طرف این ٹی پی سی، زومیٹو، انڈس انڈ بینک، ٹاٹا اسٹیل اور اڈانی پورٹس کے شیئر 2.64 فیصد سے لیکر 2.03 فیصد کی گراوٹ کے ساتھ کاروبار کرتے نظر آرہے تھے۔
موجودہ کاروبار میں شیئر مارکیٹ میں 2,351 شیئروں میں ایکٹو ٹریڈنگ ہورہی تھی۔ ان میں سے 275 شیئرز منافع کماکر سبز نشان میں جبکہ 2076 شیئر خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 5 حصص خریداری کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 25 شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 9 حصص سبز نشان میں اور 41 شیئر سرخ نشان میں کاروبار کرتے نظر آرہے تھے۔
بی ایس ای کا سینسیکس آج 62.38 پوائنٹس کے اضافے کے ساتھ 77,682.59 پوائنٹس کی سطح پر کھلا۔ کاروبار شروع ہوتے ہی خریداری کی حمایت سے یہ انڈیکس چھلانگ لگا کر 77,890.97 پوائنٹس تک پہنچ گیا۔ حالانکہ کاروبار کے پہلے 10 منٹ کے بعد مارکیٹ میں فروخت کا دباو بن گیا، جس کی وجہ سے انڈیکس سرخ نشان میں گرتا رہا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10.15 بجے سینسیکس 417.83 پوائنٹس کی کمزوری کے ساتھ 77,202.38 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 25.40 پوائنٹس کے اضافے کے ساتھ 23,551.90 پوائنٹس پر تجارت شروع کی۔ مارکیٹ کھلتے ہی اس انڈیکس میں تقریباً 70 پوائنٹس کا اضافہ ہوا اور کاروبار کے ابتدائی 10 منٹوں میں ہی خریداری کے سہارے 23,596 پوائنٹس کی سطح پر پہنچ گیا حالانکہ اس کے بعد مارکیٹ میں چوطرفہ فروخت شروع ہوگئی۔ اس فروخت کی وجہ سے نفٹی گر کر سرخ نشان میں پہنچ گیا۔ مارکیٹ میں مسلسل خرید و فروخت کے درمیان پہلے ایک گھنٹے کی تجارت کے بعد صبح 10.15 بجے نفٹی 147.05 پوائنٹس کی کمزوری کے ساتھ 23,379.25 پوائنٹس کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / انظر حسن
