نئی دہلی، 4 ستمبر (ہ س)۔

پہلوان ونیش پھوگاٹ اور بجرنگ پونیا نے بدھ کو کانگریس لیڈر راہل گاندھی سے ملاقات کی۔ میٹنگ کی تصویر پارٹی نے سوشل میڈیا پر شیئر کی ہے۔ اس میٹنگ کو آئندہ ہریانہ اسمبلی انتخابات سے جوڑا جا رہا ہے۔ امکان ہے کہ دونوں پہلوان سیاست میں آ سکتے ہیں اور کانگریس کے ٹکٹ پر الیکشن لڑ سکتے ہیں۔ کانگریس پارٹی آج ہریانہ اسمبلی کے لیے اپنے امیدواروں کی پہلی فہرست جاری کر سکتی ہے۔

قابل ذکر ہے کہ بجرنگ پونیا اور ونیش پھوگٹ بی جے پی لیڈر برج بھوشن شرن سنگھ کے خلاف جنتر منتر پر دھرنے پر بیٹھے تھے۔ ان کا الزام تھا کہ برج بھوشن نے ریسلنگ ایسوسی ایشن کے سربراہ رہتے ہوئے خواتین کھلاڑیوں کا جنسی استحصال کیا۔ یہ معاملہ ابھی تک عدالت میں زیر سماعت ہے۔ حال ہی میں ونیش نے پیرس اولمپکس میں حصہ لیا تھا۔ یہاں ونیش فائنل میں مقررہ وزن برقرار نہ رکھنے کی وجہ سے مقابلے سے باہر ہوگئیں۔

ہندوستھان سماچار

ہندوستان سماچار / Mohammad Khan