بھوپال میں ٹریفک پولیس کے اے ایس آئی نے خود کو گولی مار کر کی خودکشی، بیوی کی بیماری سے پریشان تھے

بھوپال، 10 جولائی (ہ س)۔ راجدھانی بھوپال کے نہرو نگر پولیس لائن میں ٹریفک پولیس کے ایک اے ایس آئی نے اپنی سرکاری رہائش گاہ پر خود کو گولی مار کر خودکشی کر لی۔ انہوں نے اپنی لائسنسی 315 بور رائفل سے خود کو گولی مار لی۔ پولیس کی ابتدائی تفتیش میں معلوم ہوا ہے کہ بیوی بیماری کی وجہ سے ڈپریشن میں تھے۔ بتایا جا رہا ہے کہ بیوی کینسر میں مبتلا ہے۔

یوگیندر یادو اے ایس آئی تھے اور کچھ سالوں سے اربن پولیس ٹریفک زون-4 میں تعینات تھے۔ یوگیندر بدھ کی صبح سویرے بیدار ہوئے۔ معمول کے مطابق پوجا کی، پھر تقریباً 9 بجے اپنے بیڈروم میں گئے اور خود کو گولی مار لی۔ گولی اس کی ٹھڈی کو چھید کر اس کے سر میں داخل ہوگئی۔ ان کی موقع پر ہی موت ہوگئی۔ گولی چلنے کی آواز سن کر جب ان کے گھر والے ان کے کمرے میں پہنچے تو وہ خون میں لت پت پڑے ملے۔ پڑوسیوں کی مدد سے انہیں فوری طور پر ہسپتال لے جایا گیا جہاں ڈاکٹروں نے انہیں دیکھتے ہی مردہ قرار دے دیا۔ واقعہ کی اطلاع ملتے ہی پولیس کمشنر اور دیگر اعلیٰ پولیس حکام موقع پر پہنچ گئے۔ کملا نگر پولیس نے مرگ قائم کرکے جانچ شروع کردی ہے۔

بتایا جا رہا ہے کہ ان کی اہلیہ کچھ عرصے سے کینسر میں مبتلا تھیں۔ اہلیہ کا کینسر کا علاج بھی جاری ہے لیکن ان کی صحت میں بہتری نہیں آرہی ہے۔ یوگیندر یادو اپنی بیوی کے کینسر کی وجہ سے چند ماہ سے ڈپریشن میں مبتلا تھے۔ اس کے اہل خانہ نے پولیس حکام کو بھی اس کی اطلاع دی تھی۔ فی الحال پولیس اس پورے واقعہ کی جانچ میں مصروف ہے۔

ہندوستھان سماچار

ختم

ہندوستان سماچار / Anzar Hassan / Mohammad Shahzad