سنیل نارائن نے کے کے آر کے لیے سب سے زیادہ پلیئر آف دی میچ جیتنے کے ریکارڈ کی برابری کی

لکھنؤ،6 مئی (ہ س)۔ کولکاتا نائٹ رائیڈرز (کے کے آر) کے آل راونڈر سنیل نارائن نے انڈین پریمیئر لیگ (آئی پی ایل) میں فرنچائز کے لیے سب سے زیادہ پلیئر آف دی میچ (پی او ٹی ایم) ایوارڈ جیتنے کے آندرے رسیل کے ریکارڈ کی برابری کی۔

نارائن نے اتوار کو ایکنا کرکٹ اسٹیڈیم میں لکھنؤ سپر جائنٹس (ایل ایس جی) کے خلاف میچ کے دوران یہ کارنامہ انجام دیا۔ نارائن نے پہلی اننگز میں بلے بازی کرتے ہوئے 207.69 کے اسٹرائیک ریٹ سے 39 گیندوں میں 81 رن بنائے۔ انہوں نے کریز پر اپنے وقت کے دوران 6 چوکے اور 7 چھکے لگائے۔ اس کے علاوہ انہوں نے ایک وکٹ حاصل کی اور اپنے چار اوور کے اسپیل میں 22 رن دیے۔ انہیں ان کی آل راونڈ کارکردگی کے لئے پی او ٹی ایم کے طور پر منتخب کیا گیا۔

اس کے ساتھ اس کے پاس کولکاتا کی فرنچائز کے لیے 15 پی او ٹی ایم ایوارڈز ہیں۔ جبکہ رسیل کے پاس کے کے آر کے لیے 15 پی او ٹی ایم ایوارڈز بھی ہیں۔ کے کے آر کے سابق کپتان گوتم گمبھیر نے 10 پی او ٹی ایم ایوارڈز جیتے ہیں اور فہرست میں تیسرے نمبر پر ہیں۔

لکھنؤ اور کولکاتا کے درمیان کھیلے گئے میچ کی بات کریں تو ایل ایس جی نے ٹاس جیت کر پہلے فیلڈنگ کا فیصلہ کیا۔ نارائن کے 81 رن اور فل سالٹ (32)، انگکرش رگھوونشی (32) اور رمندیپ سنگھ (25*) کی مضبوط اننگز کی بدولت کے کے آر نے 20 اوورز میں 6 وکٹوں پر 235 رن بنائے۔ ایل ایس جی کی جانب سے نوین الحق نے 4 اوورز میں 49 رن دے کر 3 وکٹیں حاصل کیں۔ یش ٹھاکر، روی بشنوئی اور یودھویر سنگھ نے ایک ایک وکٹ حاصل کی۔

236 رنوں کے ہدف کا تعاقب کرتے ہوئے لکھنؤ نے وقفے وقفے سے وکٹیں گنوائیں۔ مارکس اسٹونیس (36) اور کپتان کے ایل راہل (25) کے علاوہ کوئی اور بلے باز رن نہیں بنا سکا اور ایل ایس جی کی ٹیم 16.1 اوور میں 137 رن پر ڈھیر ہوگئی۔ کے کے آر کی جانب سے ہرشیت رانا اور ورون چکرورتی نے 3-3 وکٹیں حاصل کیں۔

کے کے آر آٹھ جیت، تین ہار اور 16 پوائنٹس کے ساتھ ٹاپ پر ہے۔ ایل ایس جی چھ جیت، پانچ ہار اور 12 پوائنٹس کے ساتھ پانچویں نمبر پر ہے۔

ہندوستھان سماچار

/شہزاد