ممبئی، 6 مئی(ہ س)۔

نیشنلسٹ کانگریس پارٹی (این سی پی) کے صدر شرد پوار کی طبیعت پیر کی صبح اچانک خراب ہوگئی۔ طبی معائنے کے بعد ڈاکٹروں نے شرد پوار کو دو دن آرام کرنے کا مشورہ دیا ہے۔ اس لیے شرد پوار کے آج کے تمام پروگرام منسوخ کر دیے گئے ہیں۔

شرد پوار کے پوتےرکن اسمبلی روہت پوار نے پیر کو نامہ نگاروں کو بتایا کہ شرد پوار مسلسل دوروں اور مہم کی میٹنگوں کی وجہ سے تھکاوٹ محسوس کر رہے ہیں۔ اس لیے وہ بے چینی محسوس کر رہے تھے۔ روہت پوار نے کہا کہ اب سب کچھ ٹھیک ہے اور ڈاکٹروں نے انہیں آرام کا مشورہ دیا ہے۔

روہت پوار نے بتایا کہ پچھلے 20 دنوں سے وہ صرف چار گھنٹے سوتے تھے۔ مسلسل دورے پڑنے سے وہ تھکاوٹ محسوس کر رہے تھے۔ آج ان کا طبی معائنہ کیا گیا اور ہلکا علاج کیا گیا جس کی وجہ سے ان کی حالت میں بہتری آرہی ہے۔ روہت پوار نے یہ بھی بتایا کہ ڈاکٹر نے انہیں اگلے دو دن تک بولنے سے منع کیا ہے۔ شرد پوار پیر کو بیڑ میں این سی پی (ایس پی) امیدوار کی حمایت میں ایک میٹنگ سے خطاب کرنے والے تھے۔

ہندوستان سماچار/ نثار/محمد