دی ہیگ، 6 مئی (ہ س)۔

پی ایس وی آئنڈہوم نے اتوار کو فلپس اسٹیڈیم میں اسپارٹا روٹرڈیم کو 2-4 سے ہرا کر اپنا 25 واں ایریڈیویسی خطاب اپنے نام کیا۔ اس فتح کے ساتھ ہی آئنڈہوون کا ڈچ لیگ ٹرافی جیتنے کا چھ سالہ طویل انتظار بھی ختم ہوگیا۔

پی ایس وی کو ٹرافی جیتنے کے لیے صرف ایک پوائنٹ درکار تھا لیکن ٹیم میچ کے شروع میں ہی پیچھے ہو گئی اور 8ویں منٹ میں ہی موٹینہو نے گول کرکے روٹرڈیم کو برتری دلا دی لیکن 19ویں منٹ میں سعید باکری کے سیلف گول اور 26ویں منٹ میں جوہان باکایوکو کے گول کی بدولت پی ایس وی نے 2-2 سے ڈرا حاصل کیا۔

حالانکہ دوسرے ہاف میں پی ایس وی نے جارحانہ انداز میں کھیلا اور بوسکاگلی (67 ویں منٹ) اور جورڈن ٹیزے (78 ویں منٹ) کے گول نے 2-4 سے فتح کو یقینی بنادیا۔

اس جیت کے ساتھ پی ایس وی کے اب 32 میچوں میں 87 پوائنٹس ہو گئے ہیں اور مزید دو میچ کھیلے جائیں گے۔ پچھلے سیزن کے چیمپئن فیینورڈ پہلے ہی دوسرے نمبر پر ہیں، دونوں ٹیموں کو اگلے سیزن کی یو ای ایف اے چیمپئنز لیگ کے لیے براہ راست ٹکٹ مل گئے ہیں۔

کوچ پیٹر بوس کی قیادت میں جنہوں نے گزشتہ سال رُوڈ وین نیسٹلروئے کی جگہ لی، پی ایس وی کا سیزن شاندار رہا، جس کا آغاز 21 جنوری کو ایف سی اٹریچ میں 1-1 سے ڈرا ہونے سے پہلے مسلسل 17 ایریڈیویسی کی جیت سے ہوئی تھی۔ ٹیم کی پہلی اور اب تک کی واحد شکست این ای سینجمگین کے خلاف اس سال 30 مارچ کو ہوئی تھی۔

پی ایس وی نے اگست میں فییونورڈ کے خلاف جیت کے ساتھ ڈچ سپر کپ بھی جیتا تھا اور ڈچ جائنٹس بھی چیمپئنز لیگ کے آخری 16 میں پہنچ گئے تھے لیکن جرمن ٹیم بوروسیا ڈورٹمنڈ سے ہار گئے۔ پی ایس وی کی ایریڈسیوی کی جیت کلب کی تاریخ میں 25ویں جیت ہے۔ پہلے نمبر پر36 خطاب کے ساتھ اجاکس کی ٹیم ہے۔

ہندوستھان سماچار/

/عطاءاللہ