ممبئی، 26 اپریل (ہ س)۔

ممبئی کانگریس کی صدر ورشا گائیکواڈ کو کانگریس نے ممبئی شمالی وسطی لوک سبھا حلقہ کے لیے نامزد کیا ہے۔ کانگریس نے اس سلسلے میں ایک باضابطہ اعلان کیاہے۔بتا دیں کہ اس نشست سے کانگریس لیڈر نسیم خان کا نام بھی زیر بحث تھا۔

کانگریس پارٹی ریاست میں مہاوکاس اگھاڑی 17 سیٹوں پر الیکشن لڑ رہی ہے۔ کانگریس پہلے ہی 17 میں سے 15 امیدواروں کا اعلان کر چکی ہے۔ ممبئی میں کانگریس نے دو لوک سبھا حلقوں ممبئی نارتھ اور ممبئی نارتھ سینٹرل کے لیے امیدواروں کا اعلان نہیں کیا تھا۔ ان میں سے کانگریس نے ورشا گائیکواڈ کو ممبئی شمالی وسطی لوک سبھا حلقہ کے لیے نامزد کیا ہے۔ اس سیٹ کے لیے کانگریس لیڈر، سابق وزیر نسیم خان کے ساتھ ورشا گائیکواڈ کے نام پر زر غؤر تھے۔ تاہم پارٹی کی سنٹرل الیکشن کمیٹی نے ورشا گائیکواڑ کے نام پر مہر لگا دی۔

کچھ دن پہلے ورشا گائیکواڈ نے سابق وزیر اسلم شیخ، ایم ایل اے امین پٹیل کے ساتھ دہلی کا دورہ کیا۔ ایسی باتیں ہورہی تھیں کہ ورشا گائیکواڈ ممبئی میں سیٹ الاٹمنٹ سے ناخوش ہیں۔ ان کا مطالبہ تھا کہ جنوبی وسطی ممبئی حلقہ کانگریس کے پاس آنا چاہئے تھا۔ اس سلسلے میں انہوں نے کانگریس کے صدر ملکارجن کھڑگے سے ملاقات کی تھی اور کہا تھا کہ ہم نے انہیں اپنے جذبات سے آگاہ کیا ہے اور وہ صحیح فیصلہ کریں گے۔

کانگریس پارٹی کی جانب سے ممبئی شمالی وسطی لوک سبھا حلقہ کے امیدوار کا اعلان کرنے کے بعد، کانگریس نے ابھی تک ممبئی شمالی کے لیے اپنے امیدوار کا اعلان نہیں کیا ہے، یہ واحد حلقہ ہے جس میں کانگریس ریاست میں مقابلہ کر رہی ہے۔ شیوسینا ٹھاکرے دھڑے کے رہنما سابق کارپوریٹر تیجسوی گھوسالکر کانگریس کی جانب سے ممبئی شمالی لوک سبھا حلقہ کے امیدوار ہو سکتے ہیں۔

ہندوستان سماچار/ نثار/محمد