مشہور اداکارہ آرتی سنگھ نے حال ہی میں دیپک چوہان سے شادی کی۔ حال ہی میں اس جوڑے کی شادی کی کچھ تصاویر منظر عام پر آئی ہیں۔ اس موقع پر آرتی سنگھ سرخ لہنگے میں بہت خوبصورت لگ رہی تھیں۔ آرتی کے برائیڈل ل±ک کو دیکھ کر سبھی ان کی تعریف کرتے نظر آ رہے ہیں۔ ایسے میں آرتی کے ماما گووندا نے شادی میں شرکت کرکے سب کو حیران کردیا ہے۔ بھائی -بہن آرتی اور کرشنا ابھیشیک سمیت سبھی ان کی آمد سے بہت خوش ہیں۔
آرتی سنگھ کی شادی میں جس شخص کا سب کو انتظار تھا ,وہ اداکارہ کے ماموں یعنی اداکار گووندا تھے۔ آخرکار اداکار گووندا نے اپنے ماموں ہونے کا فرض ادا کیا۔ گووندا نے آرتی سنگھ کی شادی میں بڑی خوشی سے شرکت کی۔ گووندا سیاہ سوٹ میں ہمیشہ کی طرح بہت خوبصورت لگ رہے تھے۔
اداکار کرشنا ابھیشیک اور ان کی اہلیہ کشمیرا شاہ آرتی کی شادی میں ماما گووندا کے آنے کا انتظار کر رہے تھے۔ ہلدی، مہندی اور سنگیت کی تقریبات میں انڈسٹری کی کئی مشہور شخصیات نے شرکت کی لیکن ماما نہیں آئے۔ تاہم گووندا نے اپنی بھانجی کی شادی میں شاندار انٹری کر کے سب کو حیران کر دیا۔ گووندا کی آمد سے کرشنا اور کشمیر ا کی خوشی کا کوئی ٹھکانہ نہیں رہا۔ اس بار پاپارازی سے بات کرتے ہوئے شادی میں ماموں کی موجودگی کو بہت خاص بتایا ۔
پاپارازی سے بات کرتے ہوئے کرشنا ابھیشیک نے کہا کہ ماما کی آمد سے ہم سب بہت خوش ہیں۔ ہم ماما کے قدموں پر گرپڑے اور شکریہ ادا کیا۔ کشمیرا نے کہا کہ گووندا ماما نے ان کے دونوں بیٹوں سے ملاقات کی اور انہیں آشیرواد دیا۔ اس سے وہ بہت خوش بھی ہیں ۔ کرشنا کے دونوں بیٹوں کی پیدائش کے وقت خاندان میں بڑا جھگڑا ہو ا۔ لڑائی کے بعد کرشنا نے اپنے دونوں بیٹوں کو آشیرواد دینے کے لیے کئی بار اپنے چچا اور چاچی کو بلایا۔ جھگڑا اتنا بڑھ گیا کہ کوئی کسی سے نہیں مل سکا۔ اب آرتی کی شادی خاندان کے لیے خوش آئند رہی اور گووندا پہلی بار کرشنا -کشمیر ا کے دونوں بیٹوں سے ملے اور انہیں آشیرواد دیا۔
ہندوستھان سماچار
