جموں ،25 اپریل (ہ س)۔

جموں شہر کے بخشی نگر علاقے کے شانتی نگر میں رہنے والی ایک لڑکی نے ایک نوجوان کے خلاف شادی کا بہانہ بنا کر جسمانی استحصال کرنے کا مقدمہ درج کرایا ہے۔ لڑکی کا الزام ہے کہ ملزم نے دھوکہ دہی سے اس کی قابل اعتراض ویڈیو بنائی۔اب وہ اسے ویڈیو وائرل کرنے کی دھمکی دے کر بلیک میل کر رہا ہے۔ لڑکی کی شکایت پر بخشی نگر پولیس اسٹیشن میں ریاض احمد نامی ملزم کے خلاف مقدمہ درج کیا گیا ہے۔ شکایت میں لڑکی نے کہا کہ وہ اصل میں سرحدی علاقہ پرگوال کی رہنے والی ہے۔ وہ کام کے سلسلے میں جموں شہر آئی تھی۔اس دوران اس کی ملاقات ملزم ریاض احمد سے ہوئی اور دونوں دوست بن گئے۔ جس کے بعد ملزم نے اس سے شادی کا وعدہ کرکے اسے اعتماد میں لیا۔ ملزم اس کے گھر آیا اور کئی سالوں تک اس کا جسمانی استحصال کرنے لگا۔لڑکی نے اس سے شادی کرنے کا کہا تو ملزم نے انکار کردیا۔ اس کے بعد اس نے لڑکی کو بتایا کہ اس نے دھوکہ دہی سے اس کی قابل اعتراض ویڈیو بنائی ہے۔ اب وہ یہ ویڈیوز اپنے جاننے والوں کو بھیجنے کی دھمکی دے کر اسے بلیک میل کر رہا ہے۔ایس ایچ او بخشی نگر ستویندر سنگھ نے کہا کہ پولیس نے کیس درج کر لیا ہے اور ملزمان کا سراغ لگانا شروع کر دیا ہے۔ جلد ہی لڑکی کو عدالت میں پیش کرکے اس کا بیان ریکارڈ کرایا جائے گا۔

اصغر/ہندوستھان سماچار

/عطاءاللہ