آنجہانی اداکار عرفان خان نے اپنے ورسٹائل کرداروں سے ناظرین کے دل جیت لیے۔ آج بھی ان کی اداکاری کو تفریحی دنیا میں سراہا جاتا ہے۔ انہوں نے پان سنگھ تومر، انگلش میڈیم، لائف آف پائی جیسی کئی فلموں میں بہترین کردار ادا کیے ہیں۔ ان کے نقش قدم پر چلتے ہوئے ان کے بیٹے بابل خان نے بھی فلم انڈسٹری میں قدم رکھا۔
بابل نے فلم انڈسٹری میں انویتا دت کی لکھی اور ہدایت کاری میں بننے والی فلم ”کالا“ سے قدم رکھا۔ بابل ہمیشہ سوشل میڈیا پر ایکٹیو رہتے ہیں۔ اداکاری کے ساتھ ساتھ وہ اپنی ذاتی زندگی بھی اپنے مداحوں سے شیئر کرتے ہیں۔ لیکن، اچانک بابل نے اپنے سوشل میڈیا پر کچھ شیئر کیا جس نے سب کو حیران کردیا۔
حال ہی میں بابل خان نے اپنے آفیشل انسٹاگرام اکاونٹ پر ایک اسٹوری شیئر کی۔ اس میں انہوں نے لکھا، ”کبھی کبھی مجھے لگتا ہے کہ سب کچھ چھوڑ کر بابا کے پاس چلا جاو¿ں“۔ بابل کی پوسٹ نے سب کی توجہ مبذول کر لی۔ دریں اثنا بابل نے اس پوسٹ کو ڈیلیٹ کر دیا ہے لیکن ان کے بارے میں تشویش کا اظہار کیا جا رہا ہے۔
اس شیئر کردہ پوسٹ کو ڈیلیٹ کیے جانے کے بعد مداحوں نے ان کی دوسری پوسٹ پر تبصرہ کرتے ہوئے تشویش کا اظہار کیا۔ کچھ دن پہلے بابل نے اپنے سوشل میڈیا پر والدہ سوتاپا سکدار اور والد عرفان خان کی تصویر شیئر کی تھی۔ بابل خان کے کام کی بات کریں تو وہ آنے والی فلم 'دی امیش کرونیکلز' میں نظر آئیں گے۔ اس فلم میں انہیں بگ بی امیتابھ بچن کے ساتھ کام کرنے کا موقع ملا۔ یہ فلم جلد ہی سینما گھروں کی زینت بنے گی۔
ہندوستھان سماچار
