-بابت پور ہوائی اڈے سے شہر تک استقبال کے لیے تیار کھڑے رہے کارکنان، سیکورٹی کے وسیع انتظامات

وارانسی، 24 اپریل (ہ س)۔ مرکزی وزیر داخلہ امت شاہ بدھ کی شام وارانسی پہنچ گئے۔ جیسے ہی وزیر داخلہ شاہ بابت پور کے لال بہادر شاستری بین الاقوامی ہوائی اڈے پر اترے، وہاں موجود بی جے پی لیڈروں اور عوامی نمائندوں نے قطار میں کھڑے ہو کر ان کا استقبال کیا۔

ہوائی اڈے پر استقبال کرنے والوں میں مچھلی شہر کے ایم پی بی پی سروج، پنڈرا ایم ایل اے اودھیش سنگھ، سیداراجا چندولی ایم ایل اے سشیل سنگھ وغیرہ شامل تھے۔ وزیر داخلہ امت شاہ کا قافلہ ہوائی اڈے سے شہر کے لئے روانہ ہوا۔ بی جے پی کارکنوں نے پورے راستے پر ڈھول کی تھاپ پر پھولوں کی بارش کے درمیان وزیر داخلہ کا استقبال کیا۔ وزیر داخلہ امت شاہ کے استقبال کے لیے ہوائی اڈے کی مرکزی سڑک پر تین استقبالیہ سینٹر بنائے گئے تھے۔

وزیر داخلہ محمور گنج کے موتی جھیل گراؤنڈ میں وارانسی لوک سبھا کے پانچوں حلقوں کے کارکنوں سے خطاب کریں گے۔ اس کے بعد وہ تلسی ادیان میں وارانسی لوک سبھا حلقہ کے مرکزی انتخابی دفتر کا افتتاح کریں گے۔ وزیر داخلہ کے دو روزہ وارانسی دورے کو لے کر پارٹی کارکنوں میں کافی جوش و خروش ہے۔ وزیر داخلہ امیت شاہ کے شہر میں قیام کے پیش نظر تقریب کے مقام پر آنے اور جانے کے لیے سخت حفاظتی انتظامات کئے گئے ہیں۔

ہندوستھان سماچار/ عبد الواحد