پٹنہ ، 28 مارچ (ہ س)۔

بہار میں اس بار لوک سبھا انتخابات کے لیے سات مرحلوں میں ووٹنگ ہوگی۔ ایسے میں بی جے پی نے انتخابی مہم میں اترنے کے لیے ٹھوس حکمت عملی بنائی ہے ، تاکہ اپنے مخالفین کو شکست دی جا سکے۔ بی جے پی ہائی ٹیک رتھوں کے ساتھ انتخابی مہم شروع کرنے جا رہی ہے۔ بہار کے 40 لوک سبھا حلقوں میں ہائی ٹیک رتھوں کے ساتھ انتخابی مہم چلائی جائے گی ۔ اس کے ذریعے وزیراعظم کے اقدامات سے آگاہ کیا جائے گا۔

بہار بی جے پی کے دفتر میں بڑی تعداد میں انتخابی رتھ تیار ہیں۔ ان رتھوں کو بہار میں ہر جگہ لے جایا جائے گا اور ایل ای ڈی اسکرینوں کے ذریعے وزیر اعظم کے کاموں سے عوام کو آگاہ کیا جائے گا۔ یہ رتھ بہار کے ہر اضلاع میں جائیں گے اور عوام کے درمیان پی ایم کے کام کو پیش کریں گے۔

ریاستی بی جے پی کے دفتر سے موصولہ اطلاع کے مطابق بی جے پی کے آئی ٹی سیل نے اس کے لیے مودی کی 10 سال کی کامیابیوں پر مواد تیار کیا ہے ۔ بی جے پی نے پی ایم مودی کے کام کو بہار کے لوگوں تک لے جانے کا منصوبہ بنایا ہے۔ بی جے پی مودی کی کامیابیوں کو عوام تک پہنچائے گی۔

ہندوستھان سماچار/ افضل

/عطاءاللہ