ملائکہ اروڑہ اور ارجن کپور بی ٹاؤن میں سب سے زیادہ زیربحث جوڑے تھے۔ عمر کے فرق اور ملائکہ ایک بچے کی ماں ہونے کی وجہ سے دونوں کو کافی ٹرول کیا گیا۔ چند ماہ قبل ہی ان کے بریک اپ کی خبریں آئی تھیں۔ اب سنگھم اگین کے ایک ایونٹ میں ارجن کپور نے خود واضح طور پر کہا کہ وہ ابھی تک سنگل ہیں۔ یہ پہلا موقع ہے جب ارجن کپور نے عوامی سطح پر یہ بیان دیا ہے۔ اس کے بعد ملائکہ اروڑا نے بھی اپنا ردعمل ظاہر کیا۔

ایک انٹرویو میں ملائکہ سے ارجن کپور کے بیان 'میں سنگل ہوں' کے بارے میں پوچھا گیا۔ اس پر ملائکہ نے کہا کہ میں ایک انسان ہوں اور میری زندگی کے کچھ ایسے پہلو ہیں جن پر میں بات نہیں کرنا چاہتی، میں اپنی ذاتی زندگی کے بارے میں کبھی بھی پبلک میں بات نہیں کروں گی، اس لیے ارجن جو بھی کہے، ہاں یہ ان کی پسند ہے۔

ارجن کپور حال ہی میں روہت شیٹی کی فلم ’سنگھم اگین‘ میں ولن کے کردار میں نظر آئے تھے۔ ارجن کپور، ٹائیگر شراف، روہت شیٹی اور اجے دیوگن نے ایم این ایس صدر راج ٹھاکرے کے شیواجی پارک میں دیپوتسو پروگرام میں شرکت کی۔ اس بار ارجن کپور کو دیکھ کر لوگوں نے پوچھا 'ملائیکہ... ملائکہ کیسی ہیں؟' لوگ شور مچانے لگے۔ تب ارجن نے کہا، 'ارے، میں ابھی سنگل ہوں۔'

---------------

ہندوستان سماچار / عبدالسلام صدیقی