اپ ڈیٹ۔۔۔ ممبئی نیلکمل کشتی حادثے میں لاپتہ 7 سالہ بچے کی لاش برآمد، مرنے والوں کی تعداد 15 ہوگئی

ممبئی،

21 دسمبر (ہ س)۔ ممبئی کے گیٹ وے آف انڈیا سے ایلیفنٹہ جانے والی

نیلکمل کشتی کے حادثے میں لاپتہ ہونے والے سات سالہ بچے کی لاش ہفتہ کی دوپہر ریسکیو

ٹیم نے نکال لی۔ اس طرح اس واقعے میں مرنے والوں کی تعداد 15 ہو گئی ہے۔ قولابہ

پولیس اسٹیشن اور بحریہ کی ٹیم اس واقعہ کی تحقیقات کررہی ہے۔ یہ جانکاری پولیس نے

دی ہے۔

پولیس

ذرائع کے مطابق ریسکیو ٹیم نے آج سہ پہر لاپتہ سات سالہ بچے کی لاش نکال لی۔ اس کی

شناخت ذوہن محمد نثار احمد پٹھان کے طور پر ہوئی ہے۔ یہ بچہ نیلکمل کشتی حادثے کے

بعد 18 دسمبر سے لاپتہ تھا۔ اسی حادثے میں بچے کی ماں کی بھی موت ہوگئی۔ ماں اور بیٹا

گوا کے رہنے والے تھے۔ اس سے قبل جمعرات کو ریسکیو ٹیم نے 43 سالہ ہنس راج بھاٹی کی

لاش برآمد کی تھی۔ اس طرح اس واقعے میں مرنے والوں کی کل تعداد 15 ہو گئی ہے۔

ہندوستانی

بحریہ نے نیلکمل کشتی حادثے کی تحقیقات شروع کردی ہے، جو شہر کے بندرگاہی علاقے میں

پیش آنے والے سب سے مہلک حادثات میں سے ایک ہے۔ ایک اہلکار نے بتایا کہ سرچ اینڈ ریسکیو

آپریشن کے ایک حصے کے طور پر لاپتہ مسافروں کی تلاش کے لیے بحریہ اور کوسٹ گارڈ کی

جانب سے ایک بحریہ کا ہیلی کاپٹر اور کشتیاں تعینات کی گئیں۔

دونوں کشتی

پر سوار 113 افراد میں سے 15 ہلاک اور دو زخمیوں سمیت 98 کو بچا لیا گیا۔ مذکورہ

اہلکار نے بتایا کہ بحریہ کے جہاز پر چھ افراد سوار تھے جن میں سے دو زندہ بچ گئے۔

حادثہ اس وقت پیش آیا جب تیز رفتار بحری کشتی، جو انجن ٹیسٹنگ کے عمل سے گزر رہی

تھی، کنٹرول کھو بیٹھی اور ممبئی کے ساحل پر مسافر کشتی 'نیل کمل' سے ٹکرا گئی۔ یہ

کشتی 100 سے زائد مسافروں کے ساتھ گیٹ وے آف انڈیا سے ایلیفنٹہ کے سیاحتی مقام کی

طرف جا رہی تھی۔

قولابہ

پولیس اسٹیشن کی ٹیم بھی اس معاملے کی تحقیقات کر رہی ہے۔ ایک پولیس افسر نے بتایا

کہ مہاراشٹر میری ٹائم بورڈ (ایم ایم بی) کی طرف سے جاری کردہ دستاویزات کے مطابق،

کشتی کو 84 مسافروں اور عملے کے 6 ارکان کو لے جانے کی اجازت دی گئی تھی، لیکن یہ

اوور لوڈ تھی۔ اس معاملے کی تفتیش کی جا رہی ہے۔

ہندوستھان

سماچار

--------------------

ہندوستان سماچار / نثار احمد خان