چدمبرم سبرامنیم، جنہوں نے ملک کے وزیر زراعت کے طور پر خوراک کی پیداوار میں خود انحصاری کے دور کی بنیاد رکھی، 7 نومبر 2000 کو چنئی میں انتقال کر گئے۔ 1998 میں، انہیں سبز انقلاب میں ان کی شراکت کے لیے ملک کے سب سے بڑے شہری اعزاز، بھارت رتن سے نوازا گیا۔ انہوں نے ایم ایس سوامیناتھن، بی شیوارامن اور نارمن ای بورلاگ کے ساتھ مل کر سبز انقلاب کا فریم ورک ترتیب دیا تھا۔

چدمبرم سبرامنیم 30 جنوری 1910 کو کوئمبٹور ضلع کے سینگوٹائی پالائم گاؤں میں پیدا ہوئے۔ انہوں نے پریزیڈنسی کالج، چنئی سے فزکس میں بی ایس سی کیا۔ بعد میں انہوں نے مدراس لا کالج سے بیچلر آف لاز کی ڈگری حاصل کی۔ کالج کے زمانے میں وہ سول نافرمانی کی تحریک میں سرگرم رہے۔ انہیں 1942 کی ہندوستان چھوڑو تحریک کے دوران گرفتار کیا گیا تھا۔

بعد میں وہ آئین ساز اسمبلی کے لیے منتخب ہوئے۔ وہ 1952 سے 1962 تک مدراس ریاست کے وزیر تعلیم، قانون اور مالیات رہے۔ وہ مکمل مدت کے لیے مدراس اسمبلی میں پہلے قائد ایوان تھے۔ وہ 1962 میں لوک سبھا کے لیے منتخب ہوئے اور اسٹیل اور مائنز کے وزیر بنے۔ اس کے بعد، انہوں نے خوراک اور زراعت کے وزیر کے طور پر خدمات انجام دیں۔ وہ 2 مئی 1971 سے 22 جولائی 1972 تک پلاننگ کمیشن کے ڈپٹی چیئرمین بھی رہے۔ تاہم، سبرامنیم کا سب سے مشہور دور وزیر زراعت کے طور پر تھا۔ وہ ایم ایس سوامیناتھن اور بی۔ شیوارامن کے ساتھ ساتھ، وہ ہندوستان کی جدید زرعی ترقی کی پالیسی کے خالق تھے۔ سبز انقلاب کی کامیابی نے ہندوستان کے نئے زرعی دور کا آغاز کیا۔

دیگر اہم واقعات:

1862- مغل سلطنت کے آخری حکمران بہادر شاہ ظفر کی جلاوطنی کے دوران رنگون میں موت۔

1876- بنکم چندر چٹوپادھیائے نے بنگال کے کانتل پاڑا نامی ایک گاؤں میں وندے ماترم گانا کی تخلیق کی۔

1917 - روس میں کامیاب بالشویک انقلاب۔

1968 - اس وقت کے سوویت یونین نے جوہری تجربہ کیا۔

1998 میں امریکی صدر بل کلنٹن نے بھارت اور پاکستان پرلگی پابندی میں رعایت کا اعلان کیا۔ اس کے علاوہ دنیا کے سب سے بزرگ خلائی مسافر جان گلین کامیابی کے ساتھ زمین پر لوٹے۔

2006- بھارت اور آسیان نے سائنس اور ٹیکنالوجی کی ترقی کے لیے ایک فنڈ قائم کرنے پر اتفاق کیا۔

---------------

ہندوستان سماچار / عبدالسلام صدیقی