نگاوں میں ایک ہی خاندان کے چار افراد کا قتل

نگاوں، (آسام)، 23 نومبر (ہ س)۔ نگاوں میں گزشتہ رات ایک ہی خاندان کے چار افراد کا قتل کر دیا گیا۔ یہ واقعہ نگاوں ضلع کے روپہی ہاٹ کے گڑاجان میں پیش آیا۔ پولیس نے ہفتہ کو اس واقعہ کی اطلاع دی۔

خبروں کے مطابق گڑاجان میں ایک خاندان کے چاروں افراد کو بدمعاشوں نے ان کے گھر میں گھس کر تیز دھار ہتھیاروں سے قتل کردیا۔ مقتولین کی شناخت ساکشی سرکار، سردھنی سرکار، سنودھر سرکار اور سردھر سرکار کے طور پر ہوئی ہے۔ اس لرزہ خیز قتل کی خبر سامنے آنے کے بعد سنسنی پھیل گئی ہے۔ اطلاع ملتے ہی مقامی پولیس اور ضلع کے اعلیٰ پولیس افسران موقع پر پہنچ گئے۔

متاثرہ خاندان میں دو دن بعد شادی کی تقریب منعقد ہونی تھی۔ پولیس تفتیش کے بعد ہی واضح ہوسکے گا کہ قتل کے پیچھے کون لوگ تھے۔ موقع پر پہنچے پولیس سپرنٹنڈنٹ نے معاملے کی سی آئی ڈی جانچ کا اعلان کیا ہے۔

ہندوستھان سماچار

---------------

ہندوستان سماچار / انظر حسن