ٹرک اور موٹر سائیکل کی ٹکر، تین کی موت

انوپ پور، 21 نومبر (ہ س)۔ ضلع ہیڈکوارٹر سے چچائی مین روڈ پر بدھ کی رات تقریباً 10.30 بجے ایک بائک اور ٹرک کے درمیان ٹکر ہوگئی۔ حادثے میں موٹر سائیکل پر سوار تین نوجوانوں کی موقع پر ہی موت ہو گئی۔ حادثے کی اطلاع ملتے ہی کوتوالی تھانہ انوپ پور کے انسپکٹر اروند جین پولیس ٹیم کے ساتھ موقع پر پہنچے، صورتحال کا جائیزہ لیا، مرنے والوں کی لاشوں کو ضلع اسپتال بھیج دیا اور ٹرک کو قبضے میں لے کر کارروائی شروع کی۔

معلومات کے مطابق تینوں نوجوان انوپ پور کے رہنے والے ہیں۔ حادثہ بدھ کی دیر رات پیش آیا۔ تینوں دیر رات بائک پر کہیں جا رہے تھے۔ موٹر سائیکل بھی تیز رفتار سے چل رہی تھی۔ اس دوران انوپ پور-چچائی روڈ پر واقع گاوں پرسوار میں بائک بے قابو ہوکر سڑک کنارے کھڑے ٹرک سے ٹکرا گئی۔ مرنے والے نوجوانوں کی شناخت وشنو یادو اور پریتم، سنکیت کے طور پر کی گئی ہے۔

ہندوستھان سماچار

---------------

ہندوستان سماچار / انظر حسن