جارج ٹاون (گیانا)، 20 نومبر (ہ س)۔ وزیر اعظم نریندر مودی اپنے تین ممالک کے دورے کے آخری مرحلے میں گیانا پہنچ گئے۔ وہ برازیل کا دورہ مکمل کرنے کے بعد یہاں پہنچے۔ انہوں نے اپنے غیر ملکی دورے کا آغاز نائجیریا سے کیاتھا۔ وزیر اعظم مودی نے گیانا پہنچنے کی خوشی تصاویر کے ساتھ ایکس ہینڈل پر شیئر کی۔

انہوں نے لکھا”کچھ عرصہ قبل گیانا میں لینڈ کیا۔ہوائی اڈے پر میرا استقبال کرنے کے لئے پہنچے صدر ڈاکٹر عرفان علی، وزیراعظم مارک انتھونی فلپس، سینئر وزرا اور دیگر معززین کا شکریہ ۔مجھے یقین ہے کہ اس دورے سے ہمارے ملکوں کے درمیان دوستی مزید گہری ہوگی۔

وزیر اعظم مودی آج اور کل گیانا کے سرکاری دورے پر ہوں گے۔ وہ 56 سالوں میں گیانا کا دورہ کرنے والے پہلے ہندوستانی وزیر اعظم ہیں۔ ان سے پہلے اندرا گاندھی نے 1968 میں گیانا کا دورہ کیا تھا۔ اپنے دورے کے دوران وزیر اعظم مودی گیانا کی پارلیمنٹ کے ایک خصوصی اجلاس سے خطاب کریں گے۔

وزیر اعظم مودیکیری کوم -انڈیا چوٹی کانفرنس میں بھی شرکت کریں گے۔ وزیر اعظم مودی کو گیانا میں کیریبین ملک ڈومینیکااپنے اعلیٰ ترین اعزاز ’ڈومینیکا ایوارڈ آف آنر‘ سے بھی نوازے گا۔

ہندوستھان سماچار

ہندوستان سماچار / محمد شہزاد