چنئی، 20 نومبر (ہ س)۔

ہندوستانی مردوں کی قومی باسکٹ بال ٹیم جمعہ کو یہاں نہرو انڈور اسٹیڈیم میں گروپ ای کے ایک میچ میں جب قطر کا مقابلہ کرے گی تو اپنی ایف آئی بی اے ایشیا کپ 2025 کوالیفائر مہم کو بحال کرنے کی کوشش کرے گی۔ ہندوستان فروری میں منعقدہ کوالیفائر کے پہلے دو میچوں میں قازقستان اور ایران سے لگاتار شکستوں کے بعد اس میچ میں اترے گا۔ مئی میں ٹیم کا چارج سنبھالنے کے بعد ہیڈ کوچ اسکاٹ فلیمنگ کا یہ پہلا اصلی امتحان ہوگا۔ انہوں نے 15-2012 تک ٹیم کی کوچنگ کی۔ امریکی کوچ نے سربین ویسلین میٹک کی جگہ لی ہے۔ فلیمنگ نے منگل کو ایک پریس کانفرنس کے دوران کہا، ’’میں اس ٹورنامنٹ کے پچھلے کھیلوں میں نہیں تھا۔ اس لیے، میرے لیے، ہم یہاں قطر کے خلاف شروع کر رہے ہیں اور پھر ہم وہاں سے آگے بڑھیں گے۔‘‘

فیبا عالمی درجہ بندی میں 76 ویں نمبر پر موجود ہندوستان کو کوالیفکیشن راونڈ میں پہلی بار کسی نچلی رینک والی ٹیم کا سامنا کرنا پڑے گا۔ قطر، جس کا سامنا آخری بار 2015 میں فیبا ​​ایشین چیمپئن شپ میں ہوا تھا، 101 ویں نمبر پر ہے۔ انہوں نے کہا، ’’میں گزشتہ کئی ماہ سے اپنے کھلاڑیوں سے بات کر رہا ہوں۔ ہم ہر روز مشق کرتے ہیں اور اپنے حریفوں سے فرق کم کرنے کی کوشش کرتے ہیں۔ گھر پر کھیلنا بہت اچھا ہے اور اگر ہم اپنی پوری صلاحیت تک پہنچ جاتے ہیں، تو مجھے جمعہ کی رات جو بھی ہوسکتا ہے، وہ پسند آئے گا۔‘‘فلیمنگ کی گزشتہ مدت کار میں ہندوستان نے فیبا ​​ایشیا کپ 2014 میں ایشیائی قدؤور چین کے خلاف ایک مشہور جیت درج کی اور 2014 کے لوسوفونیا گیمز میں بھی ٹیم کو گولڈ میڈل دلایا۔ انہوں نے کہا کہ جب سے انہوں نے مئی میں عہدہ سنبھالا ہے، ٹیم نے کئی کیمپوں میں شرکت کی ہے اور دبئی کے دو نمائشی دورے بھی مکمل کیے ہیں، جہاں وہ اعلیٰ درجے کے کلبوں کے خلاف کھیلے تھے۔ ہندوستان فی الحال دو میچ کھیلنے کے بعد اپنے گروپ میں آخری نمبر پر ہے، قطر کے ساتھ دو پوائنٹس پر برابر ہے، جو تیسرے نمبر پر ہے۔ درجہ بندی میں ان کے درمیان فرق کے باوجود، قطر کا ہندوستان پر ایک بہتر ریکارڈ ہے، جس نے اپنے آخری پانچ مقابلوں میں سے چار جیتے ہیں۔ٹاپ دو ٹیمیں آئندہ سال سعودی عرب میں ہونے والے ٹورنامنٹ کے فائنل کے لیے براہ راست کوالیفائی کریں گی، جب کہ چھ گروپوں میں سے ہر ایک میں تیسری پوزیشن حاصل کرنے والی بہترین ٹیمیں آخری چار مقامات کے لیے دوسرے کوالیفائنگ راونڈ میں مقابلہ کریں گی۔

ہندوستھان سماچار

ہندوستان سماچار / انظر حسن