راولپنڈی، 12 نومبر (ہ س)۔ پاکستان تحریک انصاف (پی ٹی آئی)کے بانی سابق وزیراعظم عمران خان اور ان کی اہلیہ نے القادر ٹرسٹ کے 190 ملین پاونڈ کے تصفیہ معاملے میں 79 سوالات کے جواب دینے کے لیے احتساب عدالت سے کم از کم 14 دن کا وقت مانگا ہے۔ اس کیس میں جیل میں بند سابق وزیراعظم خان اور ان کی اہلیہ بشریٰ بی بی کو 14 صفحات پر مشتمل سوالنامہ دیا گیا۔
اسلام آباد ہائی کورٹ نے گزشتہ ہفتے ٹرائل کورٹ کو ہدایت کی تھی کہ وہ اس تناظر میں خان اور بشریٰ بی بی کوبری کرنے کی درخواست پر فیصلہ کرے۔ وکیل دفاع نے احتساب عدالت کے جج پر زور دیا کہ وہ خان اور ان کی اہلیہ کے بیانات ریکارڈ کرنے سے قبل ان درخواستوں پر فیصلہ کریں۔ احتساب عدالت کے جج نے 14 صفحات پر مشتمل سوالنامے میں 79 سوالات کیے ہیں۔
وکیل دفاع فیصل حسین چوہدری نے زور دیا کہ سی آر پی سی کی دفعہ 342 کے تحت تیار کردہ 79 سوالوں پر مشتمل تفصیلی دستاویز کا جواب دینے کے لیے وقت دیا جائے۔ وکیل دفاع نے بیان تیار کرنے کے لیے 14 دن کی توسیع کی درخواست کی۔ احتساب عدالت کے پراسیکیوٹر نے دلائل دیتے ہوئے کہا کہ ملزمان کے بیانات بلا تاخیر ریکارڈ کیے جائیں، جس کے بعد عدالت نے کیس کی سماعت 13 نومبر تک ملتوی کر دی۔
ہندوستھا ن سماچار
ہندوستان سماچار / محمد شہزاد
