نئی دہلی، 30 اکتوبر (ہ س)۔

کیرالہ میں ایک 75 سالہ شخص پر اپنے گھر میں کام کرنے والی لڑکی نے عصمت دری کا الزام لگایا ہے۔ قومی کمیشن برائے خواتین (این سی ڈبلیو) نے اس پر سخت موقف ظاہر کیا اور کیرالہ حکومت سے فوری کارروائی کا مطالبہ کیا۔

ملزم مفرور ہے، قومی کمیشن برائے خواتین کی چیئرپرسن وجے رہاتکر نے کیرالہ کے ڈائریکٹر جنرل کو خط لکھ کر اس معاملے میں تین دن کے اندر رپورٹ طلب کی ہے۔ 17 اکتوبر کو درج کرائی گئی شکایت کے مطابق یہ واقعہ 15 اکتوبر کو کیرالہ کے ایرناکولم میں پیش آیا۔

بدھ کے روز، قومی کمیشن برائے خواتین (این سی ڈبلیو) نے میڈیا کو بتایا کہ 75 سالہ ملزم، جو کیرالہ میں کئی عوامی اداروں منتظم ہے، مفرور ہے۔ اس پر گھریلو ملازمہ کے ساتھ زیادتی کا الزام ہے۔ پولیس نے ایف آئی آر درج کر لی ہے لیکن تاحال ملزم پکڑا نہیں جا سکا۔ کمیشن نے کیرالہ کے ڈائرکٹر جنرل آف پولیس سے تین دن کے اندر رپورٹ طلب کی ہے اور ملزمین کی فوری گرفتاری کے ساتھ وقتی جانچ کو یقینی بنانے کو کہا ہے۔

ہندوستھان سماچار

ہندوستان سماچار / عطاءاللہ