رانچی، 25 مئی (ہ س)۔

کرائم انویسٹی گیشن ڈپارٹمنٹ (سی آئی ڈی) کے ڈی جی انوراگ گپتا سے سمڈیگا ضلع کی ایک نابالغ لڑکی کو دہلی کے دلالوں کے چنگل سے بچانے کے بعد اس کی بحفاظت واپسی کی درخواست کی گئی ہے۔ اس سلسلے میں بچوں کے حقوق کے کارکن بیجناتھ کمار نے جمعرات کو سی آئی ڈی کے ڈی جی کو ایک خط لکھا ہے۔ اس میں کہا گیا ہے کہ کولیبیرا تھانہ کے تحت رسیا گاو¿ں کی خاتون پھول منی باگے کی نابالغ بیٹی کو دلالوں نے بہکا کر چھ سال تک دہلی میں یرغمال بنا کر رکھا۔ اسے بہت اذیت دی جاتی ہے۔ اس سلسلے میں خاتون پھولمنی دیوی کا کہنا تھا کہ ان کی بیٹی کے پاس موبائل فون نہیں ہے۔ ایک ہفتہ پہلے بیٹی نے مجھے ایک دوست کے فون سے تمام معلومات دی تھیں۔

بیجناتھ کمار نے خط میں کہا ہے کہ نابالغ لڑکی کے رشتہ داروں نے کولیبیرا پولیس اسٹیشن میں تحریری درخواست دی تھی۔ اس میں ان کی بیٹی کو دہلی کے دلالوں کے چنگل سے آزاد کرانے اور اسے محفوظ طریقے سے جھارکھنڈ لانے کے سلسلے میں قانونی کارروائی کا مطالبہ کیا گیا تھا۔ لیکن تھانہ کولیبیرا نے کوئی کارروائی نہیں کی۔

ہندوستھان سماچار