اٹاوہ، 09 ستمبر (ہ س)۔ سماج وادی پارٹی (ایس پی) کے قومی جنرل سکریٹری شیو پال سنگھ یادو بھگوان شری کرشن کی چھٹھی اتسو کی تقریب میں شرکت کے لیے اٹاوہ پہنچے۔ انہوں نے بھگوان شری کرشن کی پوجا ارچنا کی اور پرساد چڑھایا۔ صحافیوں سے بات چیت کے دوران انہوں نے بھارتیہ جنتا پارٹی (بی جے پی) اور اوم پرکاش راج بھر کو نشانہ بنایا۔ انہوں نے کہا کہ 2027 کے انتخابات کے بعد سماج وادی پارٹی کی حکومت بن رہی ہے۔ اوم پرکاش راج بھر کی عقل پھر گئی ہے، انہیں علاج کی ضرورت ہے۔

شیو پال سنگھ یادو نے صحافیوں سے بات کرتے ہوئے کہا کہ ہم لوگ بھگوان شری کرشن کو ماننے والے ہیں۔ انہی کی کرپا سے سب کی نیا پار لگے گی۔ 2027 میں سماج وادی پارٹی کی حکومت بن رہی ہے۔ اوم پرکاش راج بھر کو نشانہ بناتے ہوئے انہوں نے کہا کہ بی جے پی میں شامل ہونے سے پہلے وہ وزیر اعظم نریندر مودی اور یوگی کے خلاف نازیبا الفاظ استعمال کرتے تھے۔ جب سے انہوں نے بی جے پی کے ساتھ اتحاد کیا ہے، ان کی عقل ماری گئی ہے۔ انہیں علاج کی ضرورت ہے۔ حکومت بننے کے بعد ان کا علاج کرایا جائے گا۔

سماج وادی پارٹی میں نیلے رنگ کی انٹری کے بارے میں انہوں نے کہا کہ نیلا رنگ دیکھ کر بھارتیہ جنتا پارٹی کے لوگ بوکھلا گئے ہیں۔ بی جے پی کا عوامی اثر و رسوخ ختم ہو گیا ہے۔ 2027 میں سماج وادی پارٹی کی حکومت بن رہی ہے۔ انہوں نے کہا کہ اتحاد کے معاملے پر پارٹی کی اعلیٰ قیادت فیصلہ کرے گی۔

ہندوستھان سماچار

ہندوستان سماچار / محمد شہزاد